انا بهواك بقلم الشاعر ابراهيم رمضان

 قصيدة أنا بهواك للشاعر إبراهيم رمضان 

يا ليل صاحي مع الأحلام

ببعتلك في حلمي غرام

وقول أوهام

ساعات الليل ياخدني بعيد

يصحي فيا أوجاعي

وآه مابين اللحظه والتانيه

ساعات بحسك ليل ملوش آخر

بتكسر شوقي في أحلامي

يدوب الشوق كما الشمعه

علي البراويز

حبيبي ياحته من عمري

يا مالك كل ما فيا

سنيني كلها ابتاعتك

وليل انهار أنا في سيرتك

حبيبي يا أغلي من عمري

متحرمنيش من الطله

معاك الدنيا تكون أحلى 

يا حلم جميل

يزغرت جوه وجداني

أحس العمر من تاني

معاك أحلى 

وإيه أحلى

 غير إني أكون وياك

يابسمه جايه قصداني

 وعرفاني

بدوب قي هواك

عشان خاطري متبعدشي

وسيب الحلم يوصلك

ويوصفلك مدى شوقي

يا ساكن كل وجداني

أنا بهواك