مات الضمير بقلم الشاعر خالد المنصوري

 مات الضمير

خلف الاسوار نري الوجوه الحاقدة والقلوب السوداء فانتشرت السرقات وزاد الغش والجشع  فمات الضمير وأنهارت الاخلاق بين البشر وذهب الاحترام بين الجميع  ليأتي العدل سريعا ومنصفا علي كل من اتنزع في قلبه الرحمه والأخلاق والانسانيه علي كل من مات ضميره علي كل انسان علي هيئه شيطان

زمان كان في اخلاق واحترام والناس عايشه وسط بعضها ومش خايفه من حاجه كان كل الناس بتنام وابواب بيوتها مفتوحه مش خايفه من أي حاجه دلوقتي كل الأبواب مقفوله بالف قفل والغدر ساكن معاك في نفس البيت بياكل ويشرب معاك عمرنا زمان ما سمعنا عن حالات قتل ولا شاب قتل بنت وسط ولا شاب قتل اخوه ولا بنت قتلت أمها علشان عشقها

كان اختر ما بنشاهد هوه برنامج خلف الاسوار وكنا بنقول أي الجرائم دي ومفيش حد كان مصدق ان كل ده بيحصل لكن دلوقتي بنشاهد كل ده كل يوم وسط الشارع ووسط البيوت وبين الاخوه والصحاب

ازاي يموت ضمير البشر كده ازاي يتعدم الاخلاق والانسانيه وسط الناس

ارجع بينا يازمن الي أيام المحبه والصداقه والضمير الصاحي علطول

ارجع بينا يازمن علشان نعيش بامان وحب واستقرار

ارجع بينا علشان نرجع نقرب من ربنا من تاني ونعيش وسط أهلنا مش كل واحد ماسك تلفونه وقاعد في جنب ومش يقرب من اهله غير بتصل من تلفون

مش عارف ليه بيحصل فينا كل ده هل مات الضمير ولا بعدنا عن ربنا ومكتوب في البطاقه ومفيش عندنا ذره من الدين ولا من الأيام

مش قادر استوعب كل اللي بشوفه الأيام دي ولا قادر اصدق ان ده كل بيحصل من ناس وعارفه ربنا كويس

ازاي ياعالم يحصل فينا كل ده وايه اللي وصلنا لكده

 مات الضمير وانهارت الاخلاق وانتهي كل شيئ جميل في الوجود لازم ترجع أخلاقنا الجميلة

خالد المنصوري مصر