اسألك يادنيا بقلم الشاعر شريف القناوي

 ...... اسالك يا دنيا ......

اسالك يا دنيا وتجاوبينى 

ليه ديما بتعندينى 

ماشى فى حالى 

اقول الحيط دارينى

ساكت راضى بقليلى 

سبينى امشى سكتى 

اختار لوحدى مصيرى

اسالك وبلاش تسكتى 

شوارعك ليه احن 

تضمنى اى وقت 

سراب انا للكل 

الليل زى النهار بيمر

اسالك ولا احكيلك 

بره منك عايش 

اشكى لمين احوالى

والكل بيجرى فيكى 

سبق مالوش اخر

بس يا ترى مين الفايز

 ايام بتعدى وكل يوم خاسر

اسالك يا دنيا 

بتقولى عليا مجنون 

وانا الوحيد العاقل 

شايف حقيقتك وساكت

الكل طمعان فيكى

بس انت ايه يرضيكى 

اسالك يا دنيا 

عايش ومش عايش 

حياتى كلها كلام 

وانت عنادك زاد 

بتبيعى الكل فى مزاد 

الكل فيه خسران 

هى حرب من غير سلاح 

اسالك ليه وحشانى نفسى 

تايه منى من زمان 

وسط زحمة النسيان 

اسالك وايه لازمة السؤال

مفيش إجابة ولا كلام 

زى دخان غلبه الهواء 

اختفى من غير اثر 

اسالك ولا كفاية 

مفيش عندك اى جواب 

                  بقلمى 🖊️شريف القناوى 🖋️