الحقيقة مرة بقلم الدكتور عمر عبد الجواد

 ....((  الحقيقة  مُرة   )).....

قالوا   الكلام   تقاويه  كلام

 أٔول     ما  تفتح   موضوع 

يصبح    مستحيل   الرجوع 

لأن  الكل.......  بقي  موجوع 

و رابط  الحزام ....

كل    واحد   يفتكر   همومه 

و إزاي ..........يقضي  يومه 

و  قرب............ يبيع  هدومه 

و  علي الدنيا  السلام ....

واحد    يقلب   في  ذكريات

يقول...... ما كان   فيه  زمان

رشاوي ...... ولا  إختلاسات 

و التاني . ........يطلع  آهات 

كلها  عتاب .. و ملام ..

و النالت   يقول  .....روايات 

و البلد   بقت....كلها  بشوات

و فن  و زن.. .. و مهرجانات 

لا يعرفوا   حلال   من حرام 

فيهم   الشريف . . و العفيف

و فيهم  الضعيف  و الخفيف 

و فيهم  كمان ........ تفاهات 

أصل  البيوت  

................بتحكمها  ستات

تخترع     كل  يوم   حاجات 

الواد .... ..... محتاج  مكيف

و البنت ........ عايزه  تصيف 

و الراجل  قلبه ........  رهيف 

خايف  لا  يكون

.............. في نظرهم  مات

عايز    يعمل  فيها ....... دكر

و إلا  .........  يفتكروه   كبر

و ان  الزمن   بيه..........  غدر 

و يرموه   في  سلة  مهملات

و ابن  آدم  أصله   من  تراب 

ما يملاش   عينه  غير  تراب 

عايز. كل  يوم  كفته و كباب

حتي لو  كانت..........  نهايته 

سجن  و حزن  .......سنوات .

أبراج  .......بدون   تراخيص

و مسؤول... .أصله   خسيس

يبيع  كرامته ..........رخيص

ويقضي باقي عمره في آهات

و يجيب  اللوم  على الستات. 

يا رجاله ....... حرام  عليكم

من  قلبي  و الله.... بوصيكم 

خلوا  الزمام    ...في  إديكم 

الجنة............... معظمها  فقرا 

و النار .........  أغلبها  ستات 

مع  الاعتذار .. لكل  الأخوات 

★★★★★★★★★★★

د/عمر عبد الجواد عبد العزيز