هاميس وجزيرة الأشباح بقلم الشاعرة جهان مرسي الصياد
قصة الفيلم الخيالي هاميس وجزيرة الاشباح
الجزء الخامس والاخير
وروي لهم ما شاهده في الحلم
وفاء. تنظر الي ادم وتتكلم ؟ ادم حبيبي ؟
احنا لازم نمشي من هنا المكان ده كله مسكون بالعفاريت !!!!
ادم يشعر وكأنه سيفقد الوعي وانتابه صداع شديد ؟يغمض عينيه ويفتحهما ببطء ويتكلم
اه هنمشي لكن دلوقتي سبوني لوحدي عايز ارتاح وانام
والصبح ربنا يسهل الامور
ونظرت له وفاء واصدقائة نظرة تعجب واندهاش وحزن عليه وتركوه وعادو الي الغرف التي يقيمون فيها
وفاء تحاول ان تنام علي السرير
تفكر بأمير و. تحبه وتحزن عليه
تحضن وسادتها وتطفيء مصباح النور وتنام
وتشعر. حين اقتربت من النعاس بأن يدا تحاول أن تخنقها تفتح عينيها في الظلام
تجد يد أظافرها طويلة جدا
ووجه امرأة. تشبه الشيطان وترتدي ملابس فرعونية
لها شعر أبيضا وعيناها حمروتان
وينزل مها قطرات من الدم
تبكي دم وتقول بصوت مرعب
ابعد ي عن حبيبي اوريس
اتركيه لي ارحلي الان سوف اقتلك. سوف أتخلص منك لكي يعود اوريس لي وفاء تصرخ وتستغيس بالدم وتنادي عليه ادم ادم ولكن صوتها محبوس لا يخرج منها ولا يسمعها أحد ؟
الأميرة هاميس تنظر لها وتقول لن يسمعك احد غيري اصرخي. كما شئتي وفاء تنظر لها في خوف ورعب شديد وترتعش يداها ويرتعش جسدها وتقول لها من انتي اتركيني ابتعدي عني وتصرخ في هستيريا وبصوت مرتفع ولكن لا يسمعها أحد ولكن وفاء تذكرت. أن القرآن يصرف العفاريت فقرات آية الكرسي وصارت الأميرة تصرخ عندما سمعت صوت القران وهربت واختفت
وقامت وفاء من فو ق سريرها
هاربة من غرفتها
وتجري في الفندق وتنزل الي. البسين أمام الفندق وتلقي نفسها بداخله دون وعي منها
الليل دامس وحالك ؟
الناس نيام ؟
صوت الذئاب يعلي ؟
والكلاب تنوح ؟
وصوت الغربان تصرخ ؟
ويصدر منها صوت مخيف ؟
حمام السباحه ؟
تحول الي بركه
من الدماء اللون الاحمر ؟
لكن ليس به جرحي ؟
ليس به غير وفاء
وعندما استفاقت وفاء وعادت الي وعيها ؟؟اصبحت تصرخ وتستغيث وتنادي علي ادم
ادم ادم تعالي انقذني
الأمير ه الفرعونية
تقف في قلب المسبح
أمام وفاء مباشرة وتتكلم من انتي ومن ادم هذا اوريس حبيبي وليس ادم لا تقولي عليه ادم هو اوريس حبيبي
انتي ما حبيبته ولا هو حبيبك
هو ما ادم. هو اوريس حبيبي
انا معشوقته هاميس
انا حبيبته هاميس
لن اتركه لكي وامسكت برقبة وفاء وتكاد أن تخنقهاووفاء تصرخ الأميرة تخرج من عيناها شعاع كالنار وتقول بصوت مرعب موتي موتي واتركي حبيبي اوريس. ؟؟
وفاء تصرخ وتنادي ادم ادم
ادم استفاق من نومه هو واصدقائه ونظرو من شرفتهم علي صوت وفاء حبيبته هو واصدقائه
وهرولا مسرعين
متجهين الي المسبح
فوجدو الأميرة وحاشيتها
اشباح تقف أشكالها مرعب جداا
صراخ الغربان وصوت الذئاب يعلو احمد وصديقته هدي شعرو بالخوف الشديد ؟؟
ادم لديه شجاعة يشعر بالخوف الاشباح التي يراها ولكنه
قفز في المسبح احتضن
وفاء وقال لها اتركي حبيبتي
انا ما حبيبك ولا اعرفك
ولا انا اوريس ولا انا قائد الجيش ولا عمري قابلتك
اتركيها وارحلي ارحلي
وقفت الأميرة مصدومة
ثم صارت تبكي بصوت مزعج
واختفت من المسبح
هي وحاشيتها
وقام ادم بحمل وفاء
وعادو جميعا الي الفندق
وفي اليوم التالي قرورو الرحيل ؟
وعندما استيقظ ادم من النوم باكر ا لانه اصابه القلق والتوتر
بسبب الاشباح والرعب الذي شاهده في المسبح
امسك ادم التليفون واتصل بوفاء
ادم يتكلم. ! الو. وفاء حبيبتي
وفاء ينتابها صداع شديد وتمسك رأسها وتقول . نعم حبيبي ؟
ادم. يتكلم عرفتي. تنامي حبيبتي؟
وفاء انام ازاي بس لاطبعا معرفتش؟؟
قلق طول الليل وصداع رهيب ؟؟
ادم ايه رأيك. في الصبح بدري كده نعمل جولة كلنا في الجزيرة
نشوف جمال الطبيعة. ونركب الحصان ونقضي يوم حلو انا وانتي. واحمد وهدي؟
وفاء ترد وهي تشعر بالخوف والاندهاش وتقول مش انت قلت هنمشي اليوم ادم يرد ازي نمشي من غير ما نعمل جولة ونشوف الجزيرة وجمالها وفاء. تشوف الاشباح ولا جمالها دية جزيرة اشباح حبيبي.
ادم اوعدك بعد ما نعمل جولة نسافر. ماشي حبيبتي. وفاء ماشي حبيبي بس انا خايفه
من العفريتة دية تظهر تاني
ادم متخافيش احنا الصبح وهي هتجيلك بس في الليل تموتك ويضحك ههههه
وفاء والله. انت كمان بتتريق وتضحك عليا. ادم اعملك ايه يا بنتي مانتي جبانه ادم يلا بقي اتصلي بصحبتك وجهزو نفسكم وانا هتصل لاحمد وتنزل تحت يلا خلصي عشان كمان بيقولو هنا في حفله كبيرة في الجزيىة الفندق عاملها عشان تنشيط السياحه في مصر
ايه رايك نحضرها
ونمشي بكرة
وفاء خلاص ماشي يا حبيبي مش هزعلك. موافقه
اادم يتكلم طيب اقفلي بقي سلام عشان اتصل باحمد يجهز
وانتي. اتصلي. بهدي
تجهز وتنزل سوي
وفاء اوكيه حبيبي اتفقنا
اتصلت وفاء بهدي
واتفقت معها ونزلوا جميعا
الجزيرة. وبيتمشو فيها الجو ساحر والسماء. تشرق منها الشمس ويخرج منها شعاع فوق البحر. و ترسم لوحة فنية رائعه كأنها سحر
منظر الجزيرة رائع اسراب الحمام يطير هنا وهناك ويقف بجوار السياح. الغرف الخشبية
منظمة ومنسقة صوت الموسيقي. صاخب. السياح ترقص ادم يمسك يد وفاء
ويقف يشاهد. اسراب الحمام والسياح
هدي ترقص. واحمد امسك يديها و يرقص معها
ادم ووفاء يصقفون لهما وينظرون لبعضهما ويبتسمان. وفاء. تتكلم ادم انت شفت فرحة هدي وهي بترقص مع احمد دول كأنهم حبو بعض ادم اه انا بردو لاحظت كده
احمد امسك يد هدي
وقال لها تعالي. نقعد عند البحر شوية عايزك في موضوع مهم
وادم نظر إلي احمد وابتسم وقال لوفاء وفاء انا كمان عايزك في موضوع وفاء تنظر إلي هدي وتضحك وتنظر الي ادم وتقول هو فيه ايه. انتم متفقين علينا ولا ايه
ادم. واحمد ينظران لبعضهما ويضحكان
وقالو في أوان واحد
اه هو كده بالظبط
وتمشو معا بين الأشجار
جلس ادم تحت شجرة قرب البحر هو ووفاء
الشمس تشرق وتنشر دفيء فوق الجزيرة والحمام يقف أمامهم وخلفهم. احمد. يمسك في. ايد وفاء وينظر في عيناها
احمد يمسك ايد هدي يجلسان قرب البحر
هدي تنظر في عين احمد
احمد يقترب منها ويتكلم
هدي تضحك وتتكلم
مالك يا ابني فيه ايه
حصلت حاجة ولا ايه
عمال تبص في عيني بقالك مده وساكت كده. هي عجبتك ولا ايه احمد ينظر إليها ويقول الصراحه اول مرة بعرىرلزاضحك ههههه وتتكلم بقالك سنتين صديقي واول مرة بتشوف عيني
طيب ازاي
احمد الصراحه كنت بعتبرك اختي وصديقتي
لما من سنتين حصل الحادث الأليم وفقدتي ابوكي وامك فيه
وانا حسيت انك اصبحتي وحيدة وملكيش اخ ولا اخت
فانا قررت اكون اخوكي. اللي يخاف عليكي ويحميكي من اي حد. يحاول يضايقك أو يرخم عليكي في الجامعة
هدي. وفعلا انت كنت ونعم الصديق الوفي والاخ الحنون
انت وقفت جنبي في حاجات كتير بعدت عني كل اللي كانو بيضايقوني في الجامعة
وخفت عليا من اي حد
والصراحة انت عوضتني عن. فقدان بابا وماما وخلتني احس
أن الحياة رجعت لي تأني
بعد ما كنت فاقدة الامل فيها
انا حبيت طيبتك وحنيتك علي
ولكن كنت بتكسف اتكلم أو اعبر عن شعوري اتجاهك
احمد ليه طيب كنتي قولي
والله انا بحبك من زمان بس ما كنتش عارف ده حب ولا حب اخوة وصداقة
وكنت خايف اتكلم لحسن تفهميني غلط وتقولي اني بستغل. ظروفك
هدي لا والله انا عارفه انك حد طيب ومحترم وانا فعلا حبيتك
احمد وانا كمان بحبك
وبتمني تقبلي طلبي
هدي و ايه هو بس طلبك قول احمد وضع يديه في جيبه أخرج علبة. وقال. هدي هدي تنظر إلي العلبه بلهفه عارمة.
وتقول ايه العلبة دية فيها ايه
احمد خدي بس افتحيها وانتي تعرفي هدي اخدت العلبة وفتحتها سريعا وامسكت بخاتم
من الماس رقيق جدا
هدي تضحك وتصرخ بصوت عالي. معقول حبيبي ده ليا
احمد طبعا ليكي
بس فيه شرط. هدي تضحك وتقول ايه هو احمد. تقبلي تتجوزيني
هدي صرخت وقالت ايه
اتجوزك
احمد اه انتي اتصدمتي ليه
انتي مش موافقه ولا اية
هدي حضنت احمد وفضلت تصرخ اه موافقه طبعا احمد طيب اتقالي شوية يابنتي قولي هفكر قولي سيني يومين علي طول كده وافقتي ويضحك هههه
وفاء سمعت وجريت عليهم
هي وادم وجدت هدي تضحك وتحضن احمد
وفاء تنظر في اندهاش وتتكلم هو فيه ايه في ايه
ادم نظر لوفاء
ويضحك ويقول صاحبتك اتجننت لما سمعت أن احمد. عايز يتجوزها
وفاء تشعر بالسعاده والاستغراب وتقول الي ادم وانت كنت عارف
ادم. اه طبعا عارف
ده صديق عمري واخوايا
وفاء ظهر علي وجهها. غضب
وحزن نظر لها ادم
ولكنه تجاهلها
احمد يمسك ايد هدي ويقوم بتلبييها الخاتم وقبل يديها وقال وانا اوعدك اني اكون قد ثقتك دية وعمري ما ازعلك
هدي تشعر بالسعادة وتقول وانا اوعدك حبيبي. عمري ما ازعلك.
وفاء حضنت. هدي
وقالت الف مبروك حبيبتي
ونظرت الي احمد وقالت الف مبروك يااحمد
وفاء دموعها نزلت. غصب عنها علي خدها
احمد ينظر الي ادم ويقول. ادم اظن كفايا كده انت مستفز وبارد
خلص بقي يا عم انت كمان
ادم. يضحك وينظر الي وفاء باستفزاز
وفاء تنظر له بغيظ شديد. وتتكلم انت بتضحك علي ايه
ادم أخرج علبة من جيبه وقال مفاجئه اتفضلي حبيبتي
امسكي العلبة دية شوفي المفاجأة أمسكت وفاء العلية وقامت بفتحها سريعا
وصرخت وقالت الله ده خاتم
حبيبي ربي يخليك ليا دية اجمل مفاجئة في حياتي
ادم ركع في الأرض وقال حبيبتي تقبلي تتجوزيني
وفاء أمسكت بيدية و حضنته وقالت
اكيد. حبيبي ده اليوم اللي كنت يتمناه من زمان اني اكون مراتك
اادم ينظر لها بفرحة عارمة ويقول واكيد انا كمان
بتمني تكوني مراتي
عشان كده انا واحمد. جايين هنا عشان نعملكم المفاجئة دية
وعشان نشوف مع بعض جزر طغاغين
وفاء عشان كده كنت رافض نسافر قبل ما تعملو المفاجئة الجميلة دية.
ادم اكيد عشان. كده
وفاء انا فرحانة اوي
وهدي وانا اكتر والله.
ادم. يلا. يا. جماعة تعالو معايا
احمد. هنروح فين
ادم انا. عازمكم علي الغداء
تحبو تاكلو ايه
وفاء . انا عايزه سمك وجمبري
هدي وانا كمان بحب السمك اوي
احمد . و اكيد انا زيهم
ادم تمام يلا ندخل. مطعم الفندق ونطلب سمك
وفاء بس عايزين. نقعد بره كده في الهواء الجميل ده
ادم تمام ماشي
وقعدو كلهم في مكان
قرب البحر. حولهم الحمام
والشمس. مشرقة. والجو جميل.
الا كل وصل وفاء الله ريحة السمك. تجنن
ادم بالهنا والشفاء
وبعد أن. خلصوالاكل
طلعوا يرتاحو كل واحد
في غرفته
ادم يجلس. علي السرير
يشعر بصداع. رهيب يشعر بالنعاس. نام علي المخده.
راح في النوم. ادم. وجد نفسه
يرتدي نفس الزي. لبس قائد جيش ومعه الأميرة. تحضنه وتقبله وتقول له حبيبي اوريس
ادم استفاق من الحلم مفزوعا
وجد الأميرة. جميلة جدا بجواره
واندهش. وقال لها انتي مين
ومن اوريس
انا عايز اعرف. قصة اوريس
ده انا. اهو. قدامك
مش خايف ابدا منك
تعبني اعصابنا كلنا
انا يا ستي. اعرفك
بيني وبينك حاجه
عملتلك حاجه زعلتك
اخدت من عندكم تمثال اسمه اوريس وعايزاه مني
الأميرة تنظر له
بعشق وحب وشوق
وتحسس علي شعره
ادم يلوي رأسه
ويقول ابعدي عني
ابعدي كده وشيلي ايدك من علي شعري
واتكلمي مين اوريس ده عايز اعرف قصته
الأميرة هاميس
قالت. قصتها له من البداية الي نهايتها وهي تبكي بحرقة ودموعها تنزل. سيل من الدم علي خدها وصار. شكلها مرعب ومريب
ادم شعر بالخوف. منها ولكنه اشفق عليها وقتال لها لا تبكي لا تحزني
الأميرة تبكي
تحضنه وعندما قامت بعناقه شعر ادم أنه سحر بها وتركها تعانقه
الأميرة تبكي بشده ادم
طبطب عليها
قال لها خلاص حبيبتي
ادم يري نفسه. يرتدي زي قائد الجيش اوريس ويري أن الأميرة حبيبته وسحر بها وقامت بعناقه وأخذته معها واختفي من الغرفه ووجد نفسه معها في قصر فرعوني وفيه حاشيتها من الخدم وجلس معها في الحديقة. وتبادلوا العشق والحب معا
هدي اتصلت بوفاء وقالت لها اجهزي يلا عشان ننزل الحفله
وفاء قالت لها ثواني وهجهز
وفاء اتصلت بادم ادم لا يرد
اتصلت. باحمد وقالت له ادم مش بيرد علي اتصالي
احمد انا اتصلت عليه كتير بردو مردش
وفاء معلش يا احمد. روح صحيه اكيد نايم
احمد تمام خلصو بس انتم أجهزو. وانا رايح له اهو
سلام احمد يخبط علي الباب
الباب مفتوح دخل احمد الغرفة
ولكن لم يجد ادم فيها
ولكن وجد تليفونه وساعته
احمد اشعل النور في الغرفه وفصل ينادي ولم يجده اتصل بوفاء وقال لها ووفاء وهدي اسرعو الي الغرفه وأصبحو جميعا ينادون عليه ادم ادم
ادم شعر بصوتهم واستفاق من السحر فوجد نفسه في احضان الأميرة ويبادلها العشق وقال لها
ايه ده ايه اللبس ده انا فين كده ايه المكان الغريب ده الأميرة انت معي حبيبي اوريس مع عشيقتك وحبيبتك هاميس ادم
لا انا مش اوريس انسي اوريس ده ماضي انتهي منذ زمن احنا الان في عالم اخر لا ينتمي إلي عالمك روحي لعالمك اللي جيته منه وانسيني انا ادم ولي حبيبة ومينفعش انس يتجوز جنيه ابعدي عني وسبيني في حالي الأميرة تصرخ لا لا انت حبيبي لن ابعد عنك ولن اتركك ادم وفضل يقري أية الكرسي. فوجد نفسه في غرفته ينام علي سريرة ويفتح عيناه يجد. اصدقائة حوله ووفاء بجواره حبيبي انت كنت مختفي وكنا بندور عليك وفجأة ظهرت أمامنا فيه ايه
ادم جلس أمامهم وصار يحكي ما صار معه ووفاء قالت انا قلتلك الجزيرة دية غريبة وفيها اشباح
يلا نسافر وتبعد عن هنا.
احمد بكرة الصبح بدري نسافر أن شاء الله. وانتي يا هدي نامي مع وفاء انهرضا وخلي بالك منها
وانا هنام مع احمد واخلي بالي منه وتعالو دلوقتي ننزل الحفله
قام ادم واخد دوش وغير ملابسه ولبس بدله جميله ووفاء ترتدي فستان احمر سواريه وتشبه الاميرات وشعرها طويل جدا وجميله
وهدي ترتدي فستان اسود. طويل وأصبحت جزابة وجميله
واحمد يرتدي بدلة سوداء
وذهبوا الي الحفلة
ادم انبهر بجمال. وفاء وقبل يديها
واحمد انبهر بفستان. هدي
وقبل يديها
جلسو في الحفله
الاغاني صاخبه
ادم يرقص مع وفاء
وهدي. ترقص. مع احمد وادم جلس قرب البحر مع وفاء
يتغزل فيها
حبيبتي. تعرفي انك جميلة
اوي. وانا انبهرت بجمالك وانتي لابسه الفستان الجميل ده
وفاء تخجل ووجها يحمر
ادم ايه ده. وشك بقي احمر
انتي بتتكسفي مني
ادم يحضن وفاء
وفاء تنظر في الماء الليل دامس
والسماء سواد حالك. لم يظهر القمر. صوت غربان تصرخ. وفاء. تشعر بالخوف. ادم يتكلم. وفاء مالك مالك ليه بترتعشي كده.
وفاء. انا خايفه قلبي. بينبض. سريع
ادم أ مسك بيديها لكن وانتي معايا متخافيش
احمد. يجلس في مكان آخر علي البحر. يتغزل في هدي ويمسك يديها
احمد يتكلم
هدي. انتي بتحبيني
هدي تنظر له في تعجب وتقول اكيد بحبك يا حبيبي
لانك حنين عليا اوي
بعد ما بابا وماما عملو الحادثه
كنت بتمني الموت
مكنتش اقدر اعيش من غيرهم
هما كانو كل حاجة في حياتي
ماما كانت. بتعاملني وكاني طفله صغير ه
تعرف يا احمد
امي كانت بتجيب لي الفطار. وكوب اللبن علي السرير وانا نايمه وتصحيني من النوم وتبوسني في راسي
وتشربني اللبن باديها غصب عني
وبابا كان حنين اوي ياخدني ويخرجني ويجبلي كل حاجه انا بحبها انا عشت معاهم اجمل ايام عمري
لما عرفت خبر الحادث
فضلت شهور عندي انهيار عصبي
وكنت باخد علاج مهدأه للأعصاب ومنوم عشان اقدر انا م مكنتش بعرف انام من غير حضن ماما كانت هي كل حياتي هي وبابا.
احمد ايه ده انتي. بتعيطي
احمد بيمسح دموع. هدي
انا سبتك تعيطي
وتتفضفضي عشان. تطلعي الكبت اللي جواكي
لكن خلاص بقه بعد كده ما فيش عياط ولا زعل تاني
ولا فيه مهدأه ولا منوم
هدي لا من ساعة ما عرفتك حياتي اتغيرت مبقتش اخد مهدأه تاني منوم ولا بحس بحرمان زي الاول انت عوضتني عن كل شيء احمد حضنها وقالها. وانا عمري ما هزعلك وهكون ابوكي واخوكي وحبيبك
وامك كمان. هدي . امي وتضحك هههه
احمد يضحك هههه
ادم ينظر في عين وفاء ويتكلم
وفاء. فكري كده حبيتي لما نتجوز تحبي تخلفي ايه اول حاجه بنت ولا ولد
وفاء طبعا ولد و اسميه ادم زيك. ادم ياحبيبتي للدرجة دية بتحبيني وحضنها.
وفاء تنظر في البحر
تري. ايد طويلة تخرج. من البحر. متجها إليها
وتري نور احمر.
يظهر أمامها.
وفاء تحاول انت تهرب
ايد. تشد رجل وفاء وتحاول أن تسقطها في البحر وفاء تصرخ
وتقع في المياة
الأميرة. تظهر أمام دم ووفاء
وفاء تصرخ. وتنادي ادم ادم
ادم يشد في ايد وفاء وينزل في البحر. وينقذ وفاء
ويخرج بها الأميرة تتكلم بغضب شديد. لا.لن اتركها لك
هموتها. انت حبيبي انا يا اوريس
تعالي معايا
انا حبيبتك
انا. معشوقتك هاميس
انا. لن. ابتعد عنك
انا احبك. وفاء تصرخ
احمد وهدي يسمعون الصراخ
وأسرعو اليهم مهرولين
هدي وأحمد ايه ده المنظر ده اعوذ بالله من الشيطان الرجيم
فيه ايه وفضل هو وهدي يقرأو أية الكرسي بصوت عالي
الأميرة صرخت وتركت وفاء واختفت وادم حمل وفاء فو ق كتفيه وخرج من البحر وساعده احمد وهدي
وطلعو. الفندق وقال لهدي غير ي ملابس وفاء وساعديها وبكرة نسافر أن شاء الله ونامي معاها اوعي تسببها يا هدي هدي طيب لو العفريته دية طلعت تاني هعمل ايه. ادم لا هي خلاص مشيت مش هتظهر تاني اختفت خلاص
ممكن اتاكدت اني مش حبيبها اوريس
ومشيت الحمد لله
وفاء جسدها يرتعش هدي تقول لها انا معاكي هبات معاكي ومش هسيبك
وفاء ترتعش. و لا تتكلم
ادم يشعر بصداع
ادم انا تعبان اوي وعندي صداع رهيب انا هروح انام وارتاح مش قادر اتحمل الصداع
احمد وانا كمان حاسس بصداع
ودايخ هروح انام
وانتم. شوفو كده. لو عايزين اكل ولا حاجه اطلبو من الفندق
ادم. دخل. غرفته. وحاول أن ينام ا دم. يري. أمامه. المسبح. وصوت ينادي اوريس اوريس تعالي حبيبي الي
تعالي. الي
ادم كأنه سحر. قام من نومه
ونزل الي حديقة الفندق.
متجها الي حمام السباحه وقف ىينظر إليه ويتذكر ما صار به فوجد قلادة فرعونيه أمامه
وأمسك بها القلادة جميله جدا وغريبة
شعر أنه يريد أن يرتديها ووضعها فوق عنقه
وجلس في الحديقة يشعر بسحر غريب يشعر وكأنه يعرف الأميرة منذ قرون ويفكر فيها شعر بالحب اتجاهها
عاد. ادم الي غرفته وشعر بالنعاس
و حلم ادم بالاميرة
نفس الحلم. يتكرر
راي. نفسه. مع الأميرة
في اماكن مختلفه في قصر فرعوني ويتبادل معها العشق
طوال الليل.
يحلم بالاميرة
ويعيش معها قصص الحب
في اليوم التالي.
موبايل ادم يرن
رد ادم
وفاء تتكلم انت فين يا حبيبي
انا جهزت الشنط عشان نسافر
ادم نسافر فين
وفاء نعود الي القاهره
مش احنا اتفقنا امبارح
ادم انتي مجنونه هو احنا لحقنا
ما كملناش يومين وهنمشي
احنا لسه ما عملناش رحلة بحرية
ولا روحنا جزر طغاغين
انا جاي اصلا عشان اشوفها
وفاء ادم انت بتهزرصح
ازاي بتقول كده بعد الرعب اللي عشناه امبارح. انا كنت هموت
انا استحالة اقعد هنا يوم واحد
انا همشي
ادم امشي روحي يلا قاعده ليه. وفاء بجد يا أدم انا مش فارقة معاك امشي ولا اقعد
ادم مش انتي قلتي همشي
انا. مش همشي من هنا الا لما الرحلة تخلص
وفاء طيب براحتك اعمل اللي انت عايزه
قفلت. وفاء الموبايل
وهي مستغربه تغير ادم
معها وامسكت الموبايل واتصلت
بخالتها ام ادم. وقالت لها عن حالة ادم
وقالت لها القصة كامله وقفلت معها خالتها قالت لها اوعي تسببه انا جايه بكرة الصبح بدري أن شاء الله وفاء حاضر يا خالتو مش هسيبه بس انتي هاتي عمو وتعالي. الصبح ضروري
وتكلمت مع زوجها بخصوص ادم وقرروا السفر إلي الجزيرة صباحا
ادم. واحمد في الحديقة قرب البحر وهدي نزلت لهم هي. ووفاء
هدي. كلمت احمد أن يصالح ادم علي وفاء.
احمد يتكلم مع ادم
ادم انت ليه مزعل وفاء
ادم هي بتقولي انا . عايزه امشي
وانا قلتلها امشي انا قاعد هنا
ومش ماشي انا. لو مشيت من هنا هرجع تاني. مش هقدر اسيب المكان ده كل ذكرياتي فيه
احمد. انت غريب يا أدم
امبارح كنت عايز تمشي
ودلوقتي رجعت في كلامك
وكمان بتقول. ذكرياتك هنا
ذكريات ايه احنا اول مرة نيجي هنا
ادم. يشعر بصداع القلاده. تصدر صوت. هامس
اوريس اوريس انا معك انت معي
انا حبيبتك هاميس
ادم فقط يسمع الصوت
ادم يقول احمد
انت سامع الصوت ده
صوت ايه ادم. الأميرة
احمد أميرة ايه
وفاء تنظر له باندهاش وتقول ياربي الأميرة تاني
انا تعبت. من العفاريت دية
ادم اتعصب وقال لها اسكتي اوعي تقولي عنها عفريتة
انا. هاخد. لانش بحري
واطلع بيه علي جزر طغاغين
اللي عايز يروح. معايا. يجي
واللي عايز يرجع القاهره. يرجع
احمد انا مش هسيبك انا معاك
وهدي وانا معاكم
وفاء وانا هروح معاكم
ركبوا الانش البحري
الشمس. تغرب السماء لونها يتغير. ظهرت فاجئه رياح شديدة
قوة كبيرة تتجه نحو السفينه
ويتبعها الوان غريبه حمراء وسوداء كأنها شعاع ليزر اوقف السفينه ووقف الاصدقاء الاربعة لكي ينظرون ما أصاب السفينه
فوجدو الاميرة والحاشية الخاصه بها أمام السفينه
والأميرة تتكلم الي ادم
تقول. اوريس قائد الجيش الملكي
الا تعرفني
انسيتني
انا ألاميرة هاميس
انا معشوقتك
انا حبيبتك
تعالي الي
اقفز هنا
كون معي
تعالي حبيبي
عانقني
اشتقت اليك
انا حبك الابدي
وانت حبي الإلهي
ابحت عنك
منذ قرون
واخيرا وجدتك
ادم شيء داخل القلاده يسحرة
ويغمض عيناه يري نفسه قائد الجيش ويعانق الأميرة
ويعيش معها قصص الحب
يقف امير فوق السفينه
أعلاها يريد أن يقفز لها
وفاء . تصرخ ادم حبيبي لا تقفز
ادم هي تكذب هي عفريتة هي شبح من عالم اخر لا تصدقها
الأميرة غضبت من وفاء وأشارت عليها باصبعها وخرج منه كتل نار اتجهت الي وفاء ولكنها شعاع فقط وفاء سقطت علي السفينه
وأمسك بها احمد وهدي. وهم يصرخون
صوت الذئاب يخرج بصوت مرتفع
الغربان السوداء فوق السفينه
يصدرون صوت مرعب
الكلاب تعوي بصوت مرتفع
السماء. يخرج منها صوت رعد وبرق
ادم يقف صامت
يريد أن يقفز يمسك به احمد ووفاء وهدي
ولكن لاحظت وفاء أن القلاده التي يرتديها ادم يخرج منها شعاع احمر وكأنه السحر الذي
يسكن القلاده
في نفس الوقت ام ادم وابيه علي الشاطئ وصلو إلي الجزيرة ويقفون علي الشاطيء هما وأناس كثيرة مجتمعه ويشاهدون ما يصير وتصرخ ام ادم وتنادي عليه ادم ادم حبيبي
ام ادم. اتصلت بالشرطه
وجاءت الشرطه المكان
وكل من يركب. سفينه تنقلب به
ادم يقول الي الأميرة
انا اوريس حبيبك انا قائد الجيش الملكي
وفاء تعجبت هذا ما صوت ادم
فيه شي غلط والله
وفاء. قالت الي احمد. .
احمد القلاده دية مسحورة أمسكت القلادة وقطعتها والقت بها في البحر
صرخت الأمير ه هي وحاشيتها
وطارت وقفت اعلي السفينه والقت بنفسها من أعلاها وسقطت في البحر
وأصدر صوت انفجارات كبيرة
وصار قلب البحر نار تشتعل وعاد كل شي الي طبيعته الى
وعادو الي الشاطيء وجد
اادم أبيه وأمه ينتظرانه
وقامو بعناقه
ادم وقف امام البحر ينظر علي السفينه فوجد الأميرة وفق سفية أخري واقفه أعلاها
وتغني اغنية حزينة جدا الأغنية
اه اه من الوجع من الفراق
من العذاب والأشتياق
قلي انكسر عمري اتسرق
وحبي مات واندفت وسط التراب
واللي كسرني هو نفسه اللي قتلني لما سابني وحب غيري
وخان وباعني
ومين السبب ؟ القدر ولا الزمان ولا المكان اللي كان فيه الأمل
أنه يرجعلي تاني
ويحس بيا وبحناني
ولما شفته فرحت بيه وعلي طول سامحته
أنه سابني للزمان يجرح في قلبي
لكن صدمني لما نسيني وراح لغيري حب تاني غير زماني
وخلاني اموت وانا مكاني
وهي دية كانت نهايتي
اني اعيش من غير هواه
اه يا قلبي مش قادرة اصدق
أنه حبيبي
وراح وسابني
النهاية
بقلم الكاتبه والشاعره جيهان موسي الصياد
مرسلة بواسطة مجلة فضاء الفكر @ مارس 14, 2023
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية