نفسي ارتاح. الشاعر د عمر عبد الجواد

 .....(( نفسي أرتاح. )).......

نفسي يا قدر ...أرتاح

بعد العمر ما عدي ...و راح

ما بين وعود و عهود. ..

و قيود و صدود و جراح      

  نفسي يا قدر...... .. أرتاح 

 حياة ...كلها روايات...

بين دموع و خضوع و آهات 

و عتاب و عذاب و سكات 

و ما عاد لروحي... براح 

  نفسي يا قدر ... أرتاح

 أنا و الأحلام. ... ما نام ..

و مع الأوهام......... بتمر أيام 

لا فيه لقا....و لا حتي سلام

غير ملام و خصام ..و سماح

نفسي يا قدر.... أرتاح

سافرت كتير و صبرت كتير 

و حفرت الصخر في أمشير 

بين جليد و وعيد و جو عنيد 

و فرشت لغيري الأرض حرير

 داريت عنهم .... أي رياح 

و بقيت لحالي ...أنا و موالي....

أشكي ما جرالي ..

                      مسا و صباح

نفسي ....يا قدر أرتاح

 ما بين آهات.....و ذكريات

 بعيش حياتي...أسهر ليلاتي.. 

مع حلمي ..... اللي مات

 و عمر اللي جاي ....

.........ما هو أد اللي فات

و بقيت للهوي. ......مداح 

نفسي ........يا قدر أرتاح

  ★★★★★★★★★★★

 د/عمر عبد الجواد عبد العزيز .