يا حب بقلم الشاعر عبد العظيم السيد خليفة

 ياحب

انا الحب في مقلتيك بحور

انا الحب علي شفتيك حروف

انا الحب علي خديك ورود

يأبتسامة صُبح بيتنفس

نسيم بيداعب عيون بتفتح 

كما الياسمين

ياشمس صافيه بتصبح علي الصاحيين

ياضحكة ليل بيعسعس

وقمر سهران بينادي علي العشاق

وبيقول ياليل

يانجم في السما داير 

ياشهاب في السما حاير

يانسمة عصاري

ياليل طويل فارد ستايره وواخدني في حُضنه اتمني مايمشيش

انا نفسي اعيش

اعيش حبك وحدي

واخاصم الدنيا من بعدك

انا وانت

ياحب ماينتهيش

ياقلب نبضه لحن 

نغماته

بتقول انا نفسي اعيش

انا نفسي اعيش

وهبتك عُمري كله

واهديتك قلبي وعقلي وعيوني

اياك تخيب فيك ظنوني

اياك تخُني 

ساعتها هدعي عليك

وقلبي يستغفر

ماهو انا من غيرك مُش هقدر

ازاي لوحدي اعيش

ياحب اتمني يعيش