انا راجل . الشاعر محمد الراوي

 أنا راجل على قدي

بجيب لقمتي من كدي

لا أنا طمعان فى مال أو جاه

ولا شايف حياتي ضدي

أشوف الفرحة فى أولادي

تروح الدمعة من خدي

خطواتي فى الدنيا معروفة

فما بخافش وأنا بعدي

وأهي أيام وبتعدى

لا مستاهلة صراع على شيء

ولا فارقة فيها تحدي

القرش ما أحسش انه حلال

إلا أما شوف شقوق يدي

وأشيل حملي على أكتافي

واشكر ربي ولو حافي

والبرد يعدى في لحافي

من قصره ومن مدي

أنا راجل على قدي

بجيب لقمتي

من كدي

 الراااوي