فرصة - ثانية بقلم الشاعر ياسر عبد الحميد

 فرصة ،، تانية 

***********

بكره تلاقي اللي سابك

يبكي بدموعه أنين

و اعدل  بقا حسابك

لا تسرقك سكين

دا ما كانش ف منابك

ما تفكروش مسكين

اكمنه شاف غيرك

ماشي مع التانيين

راح له و رجع خايب

و انت اللي فيك صايب

لو يرجع  العايب

ح تعيش بقلب حزين

راح يقلب الكفة

و يخلي ليلك ويل

ماهو أصله استكفي

لما صاحب في عويل

ترك اللي عاش له و داب

بدل حياته عذاب

طلع  غرام كداب

كان فاكر أنه بديل

و رجعلك الندمان

شايل في اوجاعه

 و ليه تعيش  حيران

وتشك في طباعه

احساس ح تشعر بيه

و تشوف ألم في ماضيه

الفرصه دي مش ليه

ودا طبعه ، في خداعه

*****************

شعر ياسر عبد الحميد

*****************