قتلوا الضحكه )):كلمات/ محمود صلاح السيد 17/8/2023

 (( قتلوا الضحكه ))

تيجنى الضحكه لحظات ومنش رايق 

أرسم تكشيره بالساعات وحاسس أنى مش فايق  

يقولوا أضحك ياعم الدنيا مش مستهله أسرق منها الضحكه وفى غفله 

على أيه الهم والحيره الناس ضيوف وكلها مفارقه

أفتعل الفرحه من قلبى وأنا عارف أنى كذاب وفى ضحكتى مش صادق 

تزعجهم صوت الضحكه والبسمه العالى 

أخف شويه وتكون الدهشه عنوانى 

فيه حد يضحك فى دنيا الهم دى غير ثوانى 

دا صوت الضحكه مش بلون الفرحه وبال رايق وخالى 

دا بلون الوجع لحد مخنوق وبيعانى 

أحترت فى أمر الناس لاعاجبها الضحكه ولاالتكشيره  

طب لما نسكت ونقفل على السيره 

كل واحد هيبقى فى حاله

ولا هتقولوا فين حق الأخوه والعشرة والجيره 

طباع الناس عيشت الواحد فى حيره 

ياناس أنا اللى عليكم عاتب طباعكم وتجاربكم مريره وعجبى !!

كلمات/ محمود صلاح السيد 17/8/2023