محتاج أكون وحدى م̷ـــِْن ابداع الشاعر أسامه جديانه

 محتاج أكون وحدي

مش محتاج لقلوب تطبطب

شايف في عيونكم كلام

قلبي ليكم مش مرحب

غدركم بكي عيوني

من غير ملامة  و لا عتب

عمركم بتظلموني

كل كلامكم كذب في كذب

ياما نهشتم عظامي

يا ولاد الأصول و الأدب

بعدها تيجوا تضموني

و تسألوا مين السبب

بروح الفقيه و تنصحوني

لجل عضمك يتصلب

قلبي يصرخ من النفاق

اللي بينا يا ناس عصب

عقلي خلاص ليكوا فاق

بالاحترام و الأدب

ياما قلبي منكم داق

دخان و نار بدون لهب

قلت اجرب الفراق

قالوا أحباب و اصحاب

قلت فعلا هما صحاب

لكن اصحاب مصالح

كنت فاتح ألف باب

قالوا طعامك صبح  مالح

قلت محتاج اكون وحدي

مش محتاج حد يطبطب

               (((أسامه جديانه)))