قالتلي يا عمو الشاعر أشرف محمود عيسى

 قالتلي ياعمو..

بيشوفها بتمر  كل يوم من قدامي قلبي مال لها غصب عنو. 

بنت سبحان الخلاق بنيت لها قصور في قلبي كل ما اشوفها اخس أن عصفورين في قلبي بيغنو.

ويوم ما قررت اصارحها باللي جوايا لقيتها بتسالني وتقول لوسمحت  ياعمو.

سمعت الكلمة  اعصابي اتجمد ومشاعري اتلمو.

وقلت لعيوني كفاية لحد كدا اتلمو.

الدنيا اسودت في عيني وقلبي زاد غمو.

ماخدتش بالي من فرق العمر اللي بينا وإن عمري سرقني وأني في سن أبوها وماينفعشي اقوله يا عمو.

اتجمعت الدموع في قلبي حبستها جواه وعيوني من الغشاوة اتغمو ..

كل الوقت دا باخطط إزاي اوصلها وفي الآخر تقولي ياعمو.

كنت زمان أمل للي قد أمها إيه هاخد زمني وزمن غيري ياقلبي إللي زاد همو.

لوكنت اتجوزت كنت جبت أكبر منها إزاي نسيت العمر وقلبي وعنيا اتمنو.

اتغريت  في لون شعري المصبوغ ونسيت إن الشيب إللى جوايا مفيش صبغة تلمو.

بس أعمل إيه في قلبى إللي حبها المراية بتقولي دا أنت من دور أمها  وقلبي بيقولي  لوكنت صارحتها كانوا قالوا عليك شايب مابينكسفشي طلبك مرفوض ياعمو.

الدنيا كدا كل حاجة ليها وقتها الشباب للشباب والوش اللي شاب عمره مايرجع شباب ياطول عذاب أمو.  

أشرف محمود عيسى