غربة مشاعر الشاعر ياسر عبد الحميد

 غربة مشاعر 

**********

من فرع نيل انشق

شقشق شروق الشمس

من زقزقة عصافير

سبح قلوبها بهمس

من ريح تهز الشجر

من نبع ميه ف حجر

من سيل في عصف المطر

كان ذكريات بالأمس

و احنا البشر عايشين

تايهين في احلامنا

شاردين و مش شايفين

و الحلم ، قدامنا

سيبنا اللي فينا ، اتهدر

و النبض شاب و انكسر

بدموع كتير تنهمر

إحساس بنبرة يأس ،،،

لون الخضار حلمنا

و الزُرقة في سمانا

صاب العُفار ، جرحنا

في دنيا ، ناسيانا

و سابقنا في الحكايات

مين اللي فاتنا و مات

و التاني عاش اوقات

غريب ،أحزانه شبعانة

*******************

شعر / ياسر عبد الحميد 

*******************