إبن أمك كَلَّمَـےـاتِـ الشاعر جاسم ثعلبي

 إبن إمّك

إخوي الما حضرنی إبضيج وأنشد

ولا   بفراحي  جر القلم  و أنشد

إبأمر عدواني  ما حن علي وأنشد

عذر ما ظل   بعد  لا   يمر   بيّه

***

إبن   إمّك   او   إيدك   بديّه

او تدري الگلب  حامل  وصيّه

أبلع  إبريجي  او  دمّي  جرّار

من طحت ما   نشديت   بيّه

***

إشگلّك  ضميرك و   أنت   إنسان

يوم     الّذي   حاطتني     عدوان

أشگف و أطگ بس حامل أحزان

تاركني      لن     حامل     هويّة

***

إشمالك نسيت  إلعايش إوياك

شنهي السبب گول اللّه يهداك

و إبكل مصيبة  روحي  تفداك

تتمنّه         تلفيني       المنيّة

***

يا وسفه عمري اوياك تعبيت

إمعاند اوياي او  حيل  ذلّيت

أنا أبني و أنت  إتهدّم  البيت

خائن   صرت   مالك   خطيّه

***

لا أريدك او لا أريد طرواك

إبعد علي  ما  أرتضي  اوياك

لعنة إعلى گلبي يوم خاواك

بعت  الأهل  ليش  إبشريّة

***

ضيّعت   كل   حبّي   او   دلالي

صبري إنهدم و أبچي إعلي حالي

ظلّيت       محتار       إبخيالي

يا   وسفة   لن   عينك   جويّه

***

الحد هسّه دم بعيوني جاري

إتعزب الغريب اليغزي داري

كل ضيمي من  عندك   لفاني

تضحك   مكر   ترمي  البليّة

***

أعمالك رديّة او عگلي ذمّاك

او داعت اللّه   رايح  أنساك

خطّيت إسمك  دومي أنهاك

إبذاتك  يخي  ماكو   حميّة

***

إبن   إمّك  او    إيدك   بديّه

او تدري الگلب  حامل  وصيّه

أبلع  إبريجي  او  دمّي  جرّار

من طحت ما   نشديت   بيّه

***

جاسم ثعلبي الحسّاني ( جاسم محمد الحسّاني)

05/09/1402