ياللي عيونك الشاعر أسامة جديانه

 ياللي عيونك بتراقبني

في الرايحه و في الجايه

و انت واقفه ورى شباكك

شايفك ورى المشربيه

واخده بالك مني دايما

لمحتك بطرف عينيه

أنا عامل مش واخد بالي

عيونك بردو معايا ماشيه

نفسي مره تقربيلي

ارمي حاجه واندهيلي

زي زمان كانت البنيه

تبعت رساله في منديل

او توقعي  في المشابك

أو تقولي معايا شيل

زي ما بتراقبي براقبك

يمكن أخطف نظرة منك

أو يكون بينا سلام

و إيدي تلمس إيدك

تعبت كتير من المشاوير

لجل مالمح مره ضلك

بس خايف من الجيران

يجيبوا في سيرتي و سيرتك

خطوتي بتكون سريعه

مش بلحق أتملى منك

نفسي أسمع يوم نداك

أو حتى أسمع همسك

أخرجي بره الشباك

منيتي أشوف ملامحك

يمكن يتم المراد

قلبي بيتمنى قربك

               (((أسامه جديانه)))