دمعة حب بقلم الشاعر جاسم ثعلبي

 دمعة حب

هدّیني ابکلامك گلبي شب ابنار

رش لي ابدمعتك بلکت تطفیني

ناطر جیّتك تتسلی بیك الروح

غیرك ما اود    واحد   یحاچیني 

ما ماشیت ناس البیهه شر و اشرار

ولا اقبل حچي الماشایفه ابعیني

شدیت اللسان او خیطیته ابخیط

اشلعه امن العرج ها لو یعادیني

من طبعي الوفه او گاعدله بالدلال

او کل دم الوفه یجري ابشراییني

ارحب بالیجیني او فاتح البیبان

القوري ایغرغر او تضحك فناجیني

او زرعت الطیب بالعاشرني و الشمات

او علی زرع الوفه معتادة چفّیني

سکّنت الیتامة بالگلب و الروح

او بگلوب العدء نبتن سچاچیني

ولا علّیت نفسي اعلی الرفعني استاد

اتراب اقدامه اصیرن  للیباریني

علمني الزمان ادروسه بالصعبات

ما اود  الخیانة او لا تدلیني

اریدن ثوب الابیض و اسمر الخدین

بلکت بالگبر باچر یعازیني

اود اسمع احبّك من فرگ شطّین

او شریك اطلب وصاله من یراضیني

و اعلمه اعلی الوفاء و العشگ و الترحیب

احطّه ابّطن عیني و اسهر اسنیني

جاسم ثعلبي الحساني ( جاسم محمد الحسّاني)

 26/03/1394

16/06/2015