ارحميني بقلم الشاعر عامر عامر

 قصيده بعنوان/ارحميني

الشاعر/ عامر عبده عامر  مصر

ارحميني

غيابك خلى عقلي راح مني

وظلي

خلاص اصبح غريب عني

وصورتي

لا مش هي دي صورتي

كل ما اقول قربت انسى

تلاحقني نظره عنيكى

توحشني لمسه ايديكي

القى نفسي مشتاق اليكى

خلاص هنفترق

عايزه الرسائل هبعتها ليكي

بس انا مش لاقيها اعذريني

عطيتك اكثر مما تتمني

وسالتك ايه يبعدك عني

سالتك كثير وانا لسه مستني

********

كنت تايه وعيوني شارده

بس اللي فاكره كل الرسائل

مرسوم عليها قلبين وورده

حتى الكلام كمان نسيته

بس اللي فاكره كلمه بحبك

******

 و الشجره مكان لقانا

ما عرفتهاش منى تاهت

بس اللي فاكره مكتوب عليها

اسمي واسمك كنت كاتبهم للذكريات

*****""

ما كنتش اقصد اخسرك

ولا كنت افكر ان في يوم اكسرك

اللي كسرك كان عنادك

اياك تعمل حجتي

انت عامل زي اللي يضرب

ويجرى يسبق يشتكي

******

نسيت اللي كان بينا

مش عايز قلبك يحبني عنوه

نسيت قلبي

نسيت البسمه وغمزتي الحلوه

نسيت دلعي

نسيت الضحكه العاليه والغنوه

خليتني نسيت روحى

وفي حقك دي مش حلوه