ذكريات زمان بقلم الشاعر مصباح الجعيدي

 ذكريات زمان 

مريت علي بيتنا بتاع زمان 

خدني الحنين لذكرياتي اوام

علي طول حسيت بالامان

كأنه حضن دافي مليان حنان 

عشت فيه اجمل سنين 

مليانة  ذكرياتي بالحنين 

ولمتنا كل ليلة كان فيها  روح 

مفيش حد مننا بات   مجروح 

 أمي كانت كل يوم بتلمنا 

في حضنها وبحنان يتضمنا 

 تحت جناحاتها جوه البيت 

تسهر معانا وتقولنا  حواديت 

وكل حدوته نبداها بتوته توته

وحكايتها اجمل قصه وحدوته

والناس كلها كان قلبها نضيف 

و ابويا كان لماح و دمه خفيف

والأطفال  تطير زي العصافير 

تيجي عندنا تاخد اكلها  وتطير 

وامي ديما راسمه علي وشها بسمة

وطلتها علي كل كل القلوب  نسمة

طول عمرها راضية بنصيبها والقسمة

وعندها قناعه ورضا وبالله معتصمة

#مصباح الجعيدي#