ابوذیّات عروس الشرق

عروس الشرق ذایقتي و نظماي

شربت النثر بالهامي و نظماي

ایتهنّه الشاف تنحیتي و نظماي

الطایر من یمر یدّي التحیّه

...

اهوازیّه ابسعرهه و ابنخلهه

اهدروهه اولاد عمهه و ابنخلهه

عروس الشرق سرهه و ابنخلهه

شریکه اصبحت للوالي اجنبیّه

...

الذبل ما ینشتل طبعه و عدله

والواعدته اهتم ابوعده وعدله

الما ینعدل بحروره و عدله

الحدید ایلین من شم الخشیّه

...

اللعب طوبه ابحیاتي عرف من جار

 جعل لي ابدار عوزه الغدر من جار

یجر بیّه ابختل للموت من جار

لان عندي حیات ابهل دنیّه

...

الشعلوا نار بدیاري شملهم

عذابي او ضیمي من عدهم شملهم

اخوتي او دهري و احبابي شملهم

اشك بیمن و اضحّي ابیا ردیّه

...

احبابي الکل وکت ناطر خیلهم

الچنت خیّال متصدّر خیلهم

الکتلهم صیتی زاعوني خیلهم

اکتفوا بالغاب تتمزهد علیّه

...

سحگت الجاي منّك شمل والراح

بعد ما اگبلك اتمر علي والراح

حذفتك بالگلب و العگل و الراح

الوگف لي ابضیج احسبه امن الخویّه

...

زمان الفات ناس ابکرم بالعار

او هسّه اتبدّلت و التهت بالعار

الخوه هیچ صارت غدت بالعار

ابن عمّك ما یحس بیك انت اخیّه

...

ابوجنتك حقد ینگط زعل مو خال

شنهي الدبریته او هنّت موخال

تسبني لیش مو عم الك موخال

ابّناك اقبل عذر و اتبوس ادیّه

...

جاسم ثعلبي الحسّاني 24/09/1399