مرحبا بالعيد 

جاي تعمل ايه يا عيد 

ما فيش حد فينا سعيد 

فاكر قلوبنا مليانه بالفرحه اكيد 

ولا جاي تطلع لسانك لنا وتكيد

كنت شاور من بعيد لنا 

جاي تعمل ايه عندنا 

القدس هتروح مننا 

والحزن تعب حياتنا 

والزعل على اخواتنا هدنا 

كنا عصبه وايد واحده 

وما حدش ابدا قدنا 

ضاعت الالفه بين العرب 

ونسينا المحبه وودنا 

ولا اكبر جيش كان يقدر يصدنا 

الزمن سرق الالفه اللي بينا وغشنا 

عمرك شفت الحزن في عينينا 

او حد زعلان قدنا 

حمام السلام كله طار 

وهجر عشنا 

يا خساره املنا 

وتعبنا وكدنا 

كان نفسنا نرحب بيك 

زي زمان ايوه وربنا 

لكن الامل في الله كبير 

هو اللي مصبرنا 

وخلانه واقفين على رجلنا 

يعز علينا تيجي لحدنا 

وما تشربش الشاي عندنا 

نشوف وشك على خير 

لما تسمع اخبار بطولاتنا ونصرنا 

الشاعر / عامر عبده عامر مصر