ميزان الناس

**********

اشعار/ ياسر عبد الحميد

     ______________

الجدعنة لو بالميزان

هات لي شوال جدعان

و هات لي صاحب وفي

بيجود،، في قلبه حنان

وهات معاك،، خلان

يكونولي ضل أمان

 املالي منها كام كفه

اشوفها بعيني و استكفىٓ

مش ناس بتدعي العفه

و كلامها في التوهان

انا راضي بالفكة

لو كان عددها قليل

ما بيعملوش،، تكة

و الفعل مش تمثيل

علشان قليل الأصل

باعني ف طريقه و خان

و العشرة لو تنصان

بين الندالة تميل

و هاتلي معاك بالمرة  

مالعشرة كام كيلوا

ناس عشرتها مش مُر

 بتيجي ف همي و تشيلوا

و ناس تمشيلي بالمعروف

تطمني في وقت الخوف

و ابعد ع اللي ليها ظروف

ساعات للكدب،، بيميلوا

و هاتلي ناس ما تعرفنيش

و ناس تستر ما تفضحنيش

و ناس تُجبر في لقمة عيش

و ناس فى الحق تنصرني

و ناس تجهلني،، لجل ما اعيش

     ________________