بحبك. الشاعر جمال نصر

 بحبك هتقريها ليلاتي في عيون القمر

وقلتها لطيفك وسامرته متونس بيكي

بحبك قلمي كاتبهاعلى كل نقطة مطر

وهاتقريها في كل نظرة عين تلاقيكي

وفي كل سهم وقلب على ورق الشجر

بحبك يا دنيا هاتي عينيا في عينيكي

هتشوفي مين فينا يحب التاني أكتر

يانبض قلبي لما بشوفك اطير عليكي

لما بتجيلي على ضيك ياقمري بأسهر

لما بتهلي قلبي يرقص ووردي يتعطر

أروح انام بنشوتي سكران أحلم بيكي

واصحى من النوم على هواكي أفطر

باعيش عمري نبضي بإسمي يناديكي

قمر صافي دافي بثوب أبيض واطهر

                           

     #جمال_نصر