مطرات الظهر بقلم الشاعر جاسم ثعلبي

 مطرات الظهر

ارید أصرخ و أسمع  النّاس  بألامي

و أخلّي المایشوف إیشوف بحلامي

...

الطایح بیه الم  عندي  دواه موجود

یصفّی النیّه و   إیتابع  درب  مریود

تدري بإلجسد   تالیته   حق    الدود

تعدّه إکسب   رجوله او صیرجدّامي

...

تقدّم بإلرجوله او  لا    تظل خسران

الشایل ضیم  إخوته   سیّد الدیوان

و القاید     یرید     إسباع    طلّابة

إمکمّل بإلحچی لو   نمشی   خطّابة

مو   مگیود   لا     صایود    بإلغابة

یوضّح له کلامي  او شعري بنغامي

...

گوم   البس   الصایة   و إکشخ  او خیّال

او مر بیت إلاهل و إحچي إبحچي رجّال

من    إتغیب           خلیهم      یذکرونك

إبیوم     تلعید       بفراحك       یهنّونك

إیّام      الضیج       خوّانك      یعینونك

ما   یفرق   نسبهم      سیّد     او  عامي

...

کلنه   أخوان   لازم    نوگف    إبحدنه

او سیّدنا   محمّد   من    نسل    جدنه

او سیّدنا علي  باب   الشجاعه   أستاد

الحسن و إحسین من الصادق السجاد

او عدنانی   النسب   و أفتخر بسلامي

...

اگل للما یشوف  المن  او   عنده إعیون

عنده عگل  عنده  گلب     عنده  إسنون

صگد ما  شاف مطرات   الظهر  بإلگیض

صگد ما حس إبحسرات المرض بإلفیض

صگد   ما  گلبه  یلعب   یلتهب  بإلغیض

ما حس  إبضرب  سیفي   او   ضرغامي

...

إتعجّب یا  جماعه  المای  شایل حوت

بس مو عجبه یمّي العدل   من إیموت

أحس ربعي   شطاره  إتلبّس  إکلاوات

ما    یفرق   سباهم     للعدل   و المات

صاروا    للحرامي    إعیون    نظّارات

گعد   للبیه   إذیّه   إبسوره   و إترامي

...

تدرون   إبسفر  بحري  الجمع   رحنه

إبسفینة او  غادرینه  أنعیش لو متنه

إذا واحد خرق  کف  السفینه إبکیف

هل أصحابه توافق للثقب و الضیف

إذا تقبل الموت السکتة بیهه  إتخیف

لازم  نتّحد   و إنسد    درب   حامي

...

إید إبإید خلّونه  الجمیع أحباب

علی البیهم رده لازم  نسد الباب

لأن  بیهم  ضرر  و إلإمّه  تعبانه

من ضیم الدهر و النّاس حیرانه

ندری  بإلدنیّه    إویانه    خوّانه

وصّیت إلأودهم  شایل  إعلامي

...

رتب إطفالك إو   زیل   الحقد  و الثار

ما   نقبل   خیانة     لا   ظلم    لا عار

الحقوق  إمن الأسلام إنوخذ مصدرها

إحترام    البشر    بإلقرآن       معبرها

و إبکل بلد   راغب   إنشوف   منظرها

عطشان العدالة     إمسافر   او ضامي

...

إتجرّحنه   إبلیامه   او   من    یداوینه

یاخذ   شورنه  او    یحضر    یخاوینه

الیجینه طارش او  نکرم  او   نمّن بیه

إیتحزّم   بإلوعد  و  إمگابل   إنحاچیه

یحط الشمس بید او گمر   بید  أعفیه

حسافه   أترخّه   إبقوله    أنزع إلثامي

...

ملّینه    الدهر    ما    نسئل     إبحاله

أرد   یم    الولف   و   أتنشّد   أحواله

وینك   یا     ولف   ما    بیّنت  للیوم

إشصایر شاد خشمك تنهت او مهظوم

فهمتك   من  کلامك  بإلعشگ مندوم

لتخلّیني    أشیل     الحمل    بکرامي

...

یا   حبّي   او   حناني   لیش  ناسیني

إچّندوب   أنا    أسامح  و أنت بالیني

وینه   إلعاهداني   ما    یخون  إویاي

وینه الگال   بإلصعبة   یظل    إحذاي

ردته إیضمّد إجروحي او یصیر إدواي

تمنّیت  إمن   أطلبه   إیقدّر     الهامي

...

جاسم ثعلبي الحسّاني ( جاسم محمد الحسّاني)

 25/09/1400