مش كل اللى يقابلك محشى

 -                   مش كل اللى يقابلك محشى

مش كل اللى يقابلك محشى     ولا كل اللى تشوفه بتنجان

اه صحيح الفلفل منفعش        وكرنب الحاج طلع  تعبان

فكرنا البقدونس نحشى          وقلوانا جنانكم بقى رسمى

صممنا فى فرحنا نعشى        بقدونس محشى وبالرمان

جتنا المعازيم بتستغرب        مين وزع الورق ورتب

وحشاها بدون ما تتسرس      وبتسأل فينا وتستعجب

مين اللى طبخها ؟؟            دا واد فنان

مش كل اللى يقابلك محشى     ولا كل اللى تشوفه بتنجان

زمن الازمات فيه تتعلم         تطلع للعالى بدون سلم

وفسيخك لو بات وعفن          تعمله شربات

ورجول الفرخة تقسمها          فى اربع اطباق لو ترسمها

وولادك اوعى تعشمها           بعدها بفتات

وبلاش تفرتك وتبعزق           حوايجها ولا تانى تفرق

يمكن تتسهل وترزق             وتزيد الماية وتمرق

زمن الازمات فيه تتعلم          تطلع للعالى بدون سلم

وفسيخك لو بات وعفن           تعمله شربات

ومش كل اللى يقابلك محشى     ولا كل اللى تشوفه بتنجان

-                          بقلم محمد البلاط