اساليني ايه غيرك بقلم الشاعر اسامه جديانه

 أسأليني أيه غيرك

قبل الهجر بدون وداع

قلبي اللي كان بيعشقك

حس منك الخداع

كل ما أحاول أكلمك

بتخلقي مليون نزاع

حاولت دايما أفهمك

أشعر بحالة ضياع

أنا اللي قلبي حبك

شاري وعمره ماباع

قوليلي أيه غيرك

انت الشمس والشعاع

ياللي القمر يشبهك

ليه بتزيدي في الأوجاع

في حد تاني ملك قلبك

و كان لأوامرك مطاع

و لا انت بترضي غرورك

ماشية في سكة الضياع

بالغرور لن أقبلك

أنا لست من صنف الجياع

اللي يشتاق لبسمتك

حتى لو ترميه في القاع

الحب الصافي يرفعك

واظهري بدون قناع

لو تستمري على وضعك

محتاجه لعشق الضباع

لو يوم شعرت بصدقك

عمر مايكون بينا وداع

مش محتاجه أفكرك

أنا كرهت أي نزاع 

                (((أسامه جديانه)))