زي العادة بقلم الشاعر عماد الأبنودي

 $ زي  .. العاااادة $

بقلم/عماد الأبنودي 

••••••••••••••••••

كالعااادة  و  زي العادة 

رمضان جانا ف ميعاده 

زينة  و  أنوار   كتيره 

و قلوب مليانة  سعادة 

ع  المغرب  تلاقي  لمة 

و قعدة  ساعة  الفطار 

أحلا  ساعة   يا  ولدي 

دي ما تخلاش م الهزار 

تراويح  و السهر  ليلتي 

و تواشيح  .. النقشبندي 

و الخير  يعم   يوماتي 

ياريت  .. وقته  مايعدي 

دعواتنا   .. لكل  الناس 

بالخير  ويا   .. البركات 

تفيض القلوب  إحساس 

ياما  أعذب   ..الكلمااات 

نفحات و رحمة  تلاقيها 

من  الصغير  و  الكبير 

حتي  الأحزان  تمحيها 

لمسة   بالحب  ..  كتير

بعودة  الأيام  و جمالها 

تجمع م الأحباب ملايين 

تكتر  عطور  ..  أفراحها 

و  يزيد من  الود  حنين 

           بقلم 

     عماااد  الأبنودي 

    28 ,  3 , 2023

"محظور من التعليقات  "