يا جراح وساريه بقلم الشاعر اسامه جديانه

 ياجراح وساريه 

فوق مشاعري بتألميها

ماشيه على جسور 

المحبه تحطميها

بتدوسي ليه على

قلوب العشاق ما بترحميها

ما كفايه عليهم جراحهم

و النوم مجافيها

سهر الليالي والأنين

ما في دوا ليها

جيه تزيدي في جرحهم

وبنارك تكويها

ليه ياجراح ما ترحلي

مالك و مالهم

سيبيهم جوه جراحهم

يشكوا آلامهم

من لوعة مر الفراق

زادت حطامهم

الوجد مالي قلبهم

طعم المرار في كلامهم

الأمل بعيد المنال

لما طال بيه المطال

حيره في القلب اللي عاشق

يشتهي لحظة وصال

حبه جوه مشاعره تايه

بين سؤال  و سؤال

يسأل المحبوب حبيبه

فيه أمل يوم للوصال

كل واحد جوه جرحه

عايش أساطير الخيال                                   (((أسامه جديانه)))