علمي قلبي الغرام بقلم الشاعر محمد الراوي
علمي قلبي الغرااام علميه
دوبي قلبي فى عشقك دوبيه
خلينى أنسى إللي فات
إحساسى بعمري إللي مات
خرجيني من السكات
رجعي قلبي لحياته رجعيه
....
وأوعديه
من بعد حبك صعب عنك تبعديه
وأوعديه
إن بحنانك عن كل شيء هتعوضيه
وانك تداوي جرح زمنه
وبإيديكي تطيبيه
وان بحبك أي حزن باقي فيه هتفرحيه
....
علمي قلبي الغرااااااااام علميه
ودوبي قلبي فى عشقك دوبيه
قبل ما أشوفك يا عمري
كنت فاكر ان قلبي
مش هيحضن حب تاني ويلاقيه
ما كنتش احس بقلبي غير بجرح
وقطر بيسرق فى عمره ويجري بيه
لحد ما جيتي أنت
وبألف مليون معنى غاب عن حياته
توهبيه
وكل معنى عاش حياته نفسه فيه
لقاكي أنت بتحضنيه
علمي قلبي الغراااام علميه
دوبي قلبي فى عشقك دوبيه
الراااوي
مرسلة بواسطة مجلة فضاء الفكر @ مايو 12, 2023
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية