غلطة واحدة . الشاعر عمر عبد الجواد

 ....(( غلطة واحدة ))....

غلطة واحدة ...عملتها 

طول حياتي..... كلها ....

لما قابلتك.....فكري إنشغلبك...

و قلبي إنفتحلك...

و روحي ليك .....سلمتها.......

غلطة واحدة ...عملتها ....

نظرة عنيك ...دوبتني....  

لمسة إديك.... توهتني.....

ليوم لقاك.... .شوقتني.....

لا عارف ألقاك..ولا قادر أنساك ......

و الدنيا من أساك.... غربتني .. 

و ظلمت روحي ..ما رحمتها.......

غلطة واحدة ....عملتها 

بِعدت عني ....و رُحت مني

و هجرتني... ..ما سألت عني...

توعد و تحلف.. و تبعد وتخلف

لو تقرب..... هتعرف ......

إن حياتي بَعدك....ما عرفتها.....

غلطة واحدة........عملتها 

حياة غريبة..في دنيا عجيبة

 لا فيها صاحب ..ولا حبيبة

لا يوم تصافيني ولا مرة تواسيني 

في غيابك... مين ينسيني.....

غربة بَعدك. .. عشتها .....

غلطة واحدة ....عملتها.........

حبيبي ..........طبعه الدلع 

وأنا قلبي من هجره إتوجع

تشوفه هادي... و وجهه نادي

ملك فؤادي.... و مهما أنادي

لا راضي .... مني يسمع .....

و لا قادر عنه .......أتمنع

و أتوب... من غلطة عملتها......

مين يا ناس... يعَقلُه.....

و مرة واحدة ... يسألُه...... 

هو صحيح ....يحق له.......

يهجر قلبي و ما يرق له......

بعد غلطة واحدة عملتها......؟؟

★★★★★★★★★★★

د/عمر عبد الجواد عبد العزيز