إتمنعي بقلم الشاعر جمال الشرقاوي

 إتمَنَّعِي

أسد الشعر العربي ( جمال الشرقاوي )

أغنية \ إتمَنَّعِي \

من كلمات : شاعر الأغنية المصرية \ جمال الشرقاوي \

إدَلِّلِي كدة و اتمَنَّعِي

عيشي عمرِك و اتمَتَّعِي

و لا جه فــ بالِك بكرة جمالِك

هيغيب عنِّك و هترجعي

لا انا هسأل عليكي بحيرة

و لا شوقي هيسمع سيرة

إدَلِّلِي كدة و اتمَنَّعِي

حتى الحب كِبِرْتِي عليه

بِعْتِي و لا انتي بتسألي فيه

كان لِسَّة حُبِّك مالي خيالي

و كنت عايش بحلف بيه

لا عُدْتْ أسأل عليكي بغيرة

و لا هشتاق لعنوان جيرة

إدَلِّلِي كدة و اتمَنَّعِي

إتعاجبي بنفسِك و ابْخَلِي

و قولي إن انتي القمر

و رايحة جاية اتْعَطَّرِي

إشْقِي الليالي م السهر

و انا بكرة تداريني جزيرة

تِنَسـِّـيني حكاية مَرِيرَة

إدَلِّلِي كدة و اتمَنَّعِي

القاهرة \ أسد الشعر العربي ( جمال الشرقاوي ) كاتب و شاعر و باحث \