حالة ملل . الشاعرة سوزان محمد.

 قصيدة ( حالة ملل )

=============

حاسه بملل

معرفش ليه حاسه بملل

عندى اكتئاب

و الجسم فيه حالة كسل

مش ليا نِفس لحاجه

و لا عاوزه اشتغل

غنيت ..

كتبت الشعر ..

حسيت بالأمل

و كأنى ماسكه نجوم

و كان بدرى اكتمل

لكن ..

صحيت من نومى عكس ما كان حصل

و كأنى محسودة ..

و سهم العين

وَصَل

زى الموبايل

أمَّا التقيت شحنى فصل !!!

مش ليا نِفس أدوق

و لو طعم العسل

كارهه اللى حبيتُه

و على رأى المثل

الدنيا كانت ورد

ليه قلبت بصل

!!! .. #بقلمى #سوزان_محمد