لا يهمك يا صاحبي بقلم الشاعر اسامه جديانه

 و لا يهمك ياصاحبي 

لما الضربه تيجي منك

انت مني و أنا منك

ما أنا سري كله عندك

كنت مآمن سيادتك

كنت واثق في نزاهتك

كنت محسوب من حبايبك

و أما تغدر بي أسامحك

كنت فاكر جرحي جرحك

و لا يهمك يا صاحبي

حتى لو كسرت قلبي

و الطعنه تيجي من حبايبي

مهما سال الدم مني

و انت كنت سبب حزني

و المواقف بتئلمني

ما أنا منك و انت مني

لما ييجي اليوم تظلمني

ما جاش عليك يوم تلومني

نظرات عيونك وانت بتقتلني

لما زاد في القلب همي

و لا يهمك ياصاحبي

لما تكسر ضلوعي

لما تقصد خضوعي

لما تكسر شروعي

لما يوم تقبل بجوعي

يومها ما هان عليك دموعي

كسرة في القلب هشم فروعي

و لا يهمك يا صاحبي

لما تبقى سبب مماتي

لما تحطم ذكرياتي

لما تهون عليك حياتي

كاره حتى تسمع آهاتي

هيا كلمه قبل وفاتي

إياك ييجي يوم و تهيني

و لا يهمك ياصاحبي

لما تيجي الضربه منك

                (((أسامه جديانه)))