مش عايز . الشاعر يحيى حسين
مش عايز
بقلمي يحيى حسين
مربوط في اليأس
والحيرة
عايشين مع بعض
في جزيرة
محكوم على قلبي
بالمنفى
من غير ولا ذنب
ولا جريرة
وفي يوم الصبح
وكان بدري
ببص يا ناس
لقيت فجري
وعالشط سفينة
وحورية
فحضنت الحلم
وفضلت أجري
اخدت الحب في
أحضاني
حوطت عليه بكل
حيطاني
وطيور العشق
تغنيلي
وزهور الفرحة
محوطاني
سقتني حنانها
وعسلها
وكأني يا ناس
كل عيالها
غدارة الدنيا
ودوارة
الفرحة كمان
ليها أجلها
مش عايز أرجع
من تاني
زهقان من الوحدة
وسجاني
أنا كاره قلبي
وأحلامه
مظلوم
وتمللي
هو الجاني
يحيى حسين القاهرة
2 أغسطس 2021
مرسلة بواسطة عشق @ أغسطس 06, 2023
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية