سهم العيون بقلم الشاعر احمد الكبوس القزعي

 من كلمات الشاعر

              احمدالكبوس القزعي

               (سهم العيون)

                        

دحرج عيونـــه وعمّر مـونـــــة القاذف

وحرك الرمش ورسل سهمه المقـذوف

                        

وصاب قلبي بنضرة طـرفــــــه الناسف

برمش لعيـان ذي مثـــل الكلاشنكــوف

                        

ماشي رحمــــــــني ولاقال الهلي آسـف

ولاتــــرفـــق بقلب العاشـق الملهــوف

                        

رماء وصوب بـرمش اعيانــــه القاصف

هزي فؤادي وهز القلب وسط الجــوف

                                           

مـن دون  رحمـــه رماء قلبي ونا وآقـف

زلزل كياني وحطــــم قلبي المقصــوف 

                         

ليتــــه ترفـــق وليت الزيــن متعاطـــف

مافيه رحمه  ولا يوجـــــد بقلبه خــوف

                         

 لفت وصــوب بطلقه خارقــــــه كاشف

من رمش لعيان صاب القلب بالمكشوف

                       

جميــل فتان صعبــــــه يـوصفه واصف

حسنه سبانـي ورحي بعـدها مشغــوف

                          

نهب فــــــؤادي وشوقي نحـــوها جارف

مشتاق والشــوق وديني لهـــا مجــروف

       

                  

سباء قليـــبي بلمحة طـــرفــه الخاطف

فرمت حـواسي ونحــوه كلشي محــروف