قلبه فين الشاعرة ضحى القللي

 قصيـــدتي 

          قلبه فين 

قولي ليه غيرت حالي 

شكلي يغنى عن سؤالي 

دا الهموم بتنسيهــالــي 

نفسي اعرف انت مين 

 --------****---------

إنت ورده فى قلب خالي 

عطرها يفوح فى العلالي 

إوعى تبعد يوم يا غــالي 

دا العيون فيك مشتاقين 

  ---------*****--------

قلبـــي ديمـــاً بيناديـك 

قالوا حي وعايش بيــك 

انت فين ليه مش لاقيك 

ليه يا قلبي تبات حزين 

     ------*****------

يلي حبتنــي بجنــــان

قلبي ليك مليان حنـان

لو قالوا مجنون وكــان 

دا حب عمري من سنين

 -------******-------

إســأل الايـــام ما بينا 

من فيـــها اللي شاغلنا

ليه فى بحرك قالوا عنا 

مهما عومنا غرقـــانيــن

   -------*****------

إنت عــارف إن حبــي 

ناره حاميه ليه تخبـــي

لما قلبك داب فى قربي 

ليه عيــونا محتـــارين

    -------*****------

ليه بنظره ساحرني بيها

وفى عيـــونك بتـداريها 

غاليه عندي وقلبي ليها 

عاش بيحلــــم بالحنين

    -------*****-------

قالوا مجنون بيا ليه 

حب ده ولا اسمه إيه 

من زمان وانا حاسه بيه

بس يعرف قلبه فين

 بقلم  ضحى القللي

       من ديوان

مشوارعمرى