يا طعمة الشاعر صلاح شعبان الفيداوي
للتوثيق بقلمي صلاح شعبان الفيداوي القاهرة ٢٤/١٢/٢٠٢٣
===== يا طعمية ====
ياطعمية يا بنت الإيه
بنحبك بس ونعمل إيه
لو غبتي علينا ليوم
بتوحشينا منعرفشي ليه
ياطعمية يابنت الإيه
******************
ياطعمية ياطعم وريحة
ياحلوة يا جميلة مليحة
قرطاسك بعشرة جنية
ياطعمية يابنت الإيه
********************
كل يوم الصبح بدري
الناس عليكي بتجري
ديما للعيون بتغري
والكل بيبان في عينيه
ياطعمية يابنت الإيه
*********************
عارفينك إن آخرك فول
بنحبك حب مش معقول
بتوحشينا كل يوم علطول
الغني والفقير تراضيه
يا طعمية يا بنت الإيه
***********************
يا طاسة ع النار و بتغلي
وزيتها في الودان بيشجي
يقلِّب فيها ويقلي
والراجل يسلمولنا ايديه
ياطعمية يا بنت الإيه
بقلمي
صلاح شعبان الفيداوي
القاهرة
٢٤/١٢/٢٠٢٣
مرسلة بواسطة ملاك @ ديسمبر 25, 2023
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية