كلام من القلب للقلب الشاعرة سمية نور الدين محمد
كلام من القلب للقلب
..............................
ماعدش فى العمر بقيه
عيش حياتك انتَ وهيا
عيشيها ب الطول والعرض
مدام م بتغضب الرب
وبتأدى ديمًا الفرض
نفض لطوب الأرض
ده العمر رايح مش جاى
هانبكى على ايه ياخى
خبى جرحك... الوجع صاحى
إوعى يوم تشكى ولا تبكى
بكره تنفرج من ربك الدايم
الدنيا حلوه بكل مافيها
حلوه بأفراحها ومقاسيها
شويه تتلون ب الإسود
وشويه تتلون ب الأبيض
صدقنى بكره هاتتغير الوانها
كله هايعرف يوم مقامها
دلوقت عايشين فى غلب
وجحود ووجع وظلم
ولاحد حاسس بوجعنا
بكره الدايره ها تجمعنا
والى فيها وجعنا
الرد هايكون
بضلمه ليله يتحنى
وضهره ينحنى على حيطانها
والفجر ينور على مدد الشوف
ونغزل من حب الرمل حروف
. يحفظها الطير
ويغنيها فوق اراضيه
عيش حياتك إنت وهيا
بالحب حليها .خليها ورديه
كفايه حروب وغلب واسيه
ولحوم بشر متقطعه مرميه
على مدد الشوف
تعلن أن اليوم ده علامات
اشاره من ربك ليك وليا
نعمر و نلحن ملحمه وطنيه
الخيانة والغدر بقت حريه
على عينك ياتاجر يبيع
ويشترى فيك وفيه
وياخد هو الهديه
كرسى ألماظ للحراميه
. كرسى هزاز يجمع كراش
الدهب والماس
والفقير منداس
بكره شمس الحريه
ها تمحى احزانا ودموعنا
ولاهانقول ولاهانعيد
مين اشترانا..ولامين باعنا
واللى متلفح بشال الصمت
وخايف.. هاتتعكر ضحكته
فوق خدوده السمر ويذيده
نحيب النخيل لما طابت
عناقيده
بكره سنابل بساتينا الخضرا
تنور
وهيا بتفرش قمر ليلنا
وتطبطب على كتفنا
المحنى
فعيش حياتك انت وهيا
ربك العالم
بتدابير الكون
قادر على زرع الأمل
فوق كتف الزمن
وإلى اللقاء مع كلام
من القلب للقلب
بقلمى/سميه نور الدين محمد
مرسلة بواسطة ملاك @ ديسمبر 23, 2023
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية