أعمل إيه للشاعر عمر عبد الجواد عبد العزيز
....(( أعمل إيه ؟؟))....
أعمل إيه وياك ؟؟
لا عارف ألقاك
ولا قادر
....... أنسي هواك
أعمل إيه وياك ؟؟ .....
تجرحني بعنيك
و هنت عليك
جرحي ما عاد يعنيك
و انت ... دوايا معاك
أعمل إيه وياك ؟؟ .....
مين علمك يا ملاك تجرح
كان نفسي معاك أفرح
و بستان الود يطرح
في يوم رؤياك
أعمل إيه وياك ؟؟ .....
بدل ما تيجي تواسيني
قلبك صار ناسيني
ياريت يا روحي ترسيني
عن سر جفاك .....
أعمل إيه وياك ؟؟ .....
ليلاتي...في عيونك أفكر
و علي بعادك ما بقدر
و قلبك ما بقي يعذر
و قلبي يتمني رضاك....
أعمل إيه وياك ؟؟ .....
من حقك مرة تعاتبني
بدل ما تهجر و تسيبني
و علي حبي .. تعاقبني
و يزيد علي قلبي أساك ...
أعمل إيه وياك ؟؟ .....
★★★★★★★★★★
د/عمر عبد الجواد عبد العزيز
مرسلة بواسطة ملاك @ يناير 09, 2024
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية