بداية ونهاية الحكاية بقلم الشاعرة منى شحاتة

 بداية ونهاية الحكاية

بقلمي ( منى شحاتة)

 جمهورية مصر العربية

الحب  بيجي  على  غفلة

من  غير  ياناس  منحس  بيه

بيجي  يخبط  على  بابنا

ويدخل  علينا  كده  برجليه

يجي  ويخش  وبسهولة

تلاقي نفسك بترحب  بيه

بكلمة  ونظرة  وحدوتة

وهوب خلاص  وقعنا فيه

     وتبدأ  الحكاية 

 بكلام  ورغي كتير

والوقت يفوت بسرعة

من غير  منحس بيه

وسعادة  وفرح وتنطيط ونبقى

 ساعتها طايرين بيه

 وعقولنا غايبة وتايهة

 مع الفرحة وقتها  فيه

وفجأة من غير إنذار

     تنتهي الحكاية

 ويطلع  وهم  كبير 

 عارفين  ليه

لأن  مافيش  ضمير

واحد بيكون كداب

والتاني مضحوك عليه.