رسالة الى بنتي بقلم الشاعر مرسي محمد

 .     رسالة ل بنتي 

          ★★★

أنتِ شبهي في المسار

صوتي في ودنك بالقرار 

واقف في ضهرك ليل نهار

ب عرفك إيه كل المراد

ولما يجي يوم المعاد

تكونِ قوة وسط الذئاب

يابنتي أنا حاسس بحزنك 

ونفسي أجبر بخاطرك

لكن البُعد عنك منعني

وروحي هي إللي فجرك

وعايزك في بؤرة الصواب

ونفسي أقولك كلمتين 

متخليش الحزن يكلك

ويبعدك عن الحياة

أصل الرحيل حق الله 

وهو يابنتي سنة الحياة

وأنا سايبك ب قوتين

قوة أخلاقك وعلمك

وقوة حياءك وصبرك

عيشِ يا بنتي 

عيشِ عمرك وإسعدِ   

بس متنسيش توعدِ  

تدعيلِ في كل صلاة 

         ***********

تحياتي

مرسي محمد