عاشق للحياة:بقلمي طارق اسماعيل ابوذيد الشليحي

 عاشق للحياة

انا عاشق للحياة 

وجرحي اطبطب علية

وامسح دموعي ف ثانية

وابدلها بضحكة حلوة

او ابتسامة مستحية

ماهي الحياة مش جراح ودموع

فيها فرح وسرور وايام هنية

احنا بنعشها مرة

لية نخليها مورة

انسي اللي راح

ولا هاعتب ع مزاح

عايز يعكر مزاجي

ولا للي بيراقب أحوالي

هاعيش وافرح واغني

وارضي ربي هو عالم بااحوالي

عاشق للحياة

بكل مافيها 

واعدي الوحش فيها

ولااشغل نفسي بحد بعيد عني

او حتي قريب مني

اشغل نفسي بنفسي

محدش هايشيل ف يوم همي

همومي ع الله هو جابر الخاطر

ويبدل الحال سعادة بلا مخاطر

قلبي سليم النية

ومحبش الأنانية

اسمع شكوتك لية

واطبطب عليك بحنية

ماهو ربك عالم النية

دي الحياة حلوة

عاشق للحياة 

...

بقلمي

طارق اسماعيل ابوذيد الشليحي