أنا إيه ؟؟:د/عمر عبد الجواد عبد العزيز

 .......(( أنا إيه ؟؟ ))......

هو أنا إيه غير لحم و دم 

و حبة ميه مع حبة عظم

ليه أغلب نفسي 

وعلي بؤسي ...أشيل الهم ؟؟

هو أنا ايه غير لحم و دم

قالوا الصاحب ... ساحب 

يا مية أهلا و ألف مراحب 

ليه يا صاحبي وجهك شاحب 

إٕفرجها بقي ..شويه يا عم 

هو أنا إيه غير لحم و دم 

 الحياة علي الكل صعبة 

إنما لا هي حسبة أو لعبة 

حبة جد و حبة مداعبة 

و بلاها نكد أو حزن و غم 

هو أنا إيه غير لحم و دم 

إسعي ... في كل مسعي 

تجارة صناعة أو مرعي 

و عن الحرام.... إوعي. 

و زكي نفسك و مالك

.... ........ و اطعم الفم 

هو أنا إيه غير لحم و دم 

واجب ...ناخد بالاسباب 

و ندق ..... علي كل باب 

من. غير . ملام. أو. عتاب 

و العبرة بالبركة في الحركة 

................مش في الكم 

هو أنا ايه غير لحم و دم 

★★★★★★★★★★★

د/عمر عبد الجواد عبد العزيز