الشعر بقلم الشاعر صابر الشناوي

 *** الشعر ***

للشاعر /صابر الشناوي

الشعر م بالكم

ولا بكتر حروف

الشع دا  إحساس

ممكن يموت م الخوف

وممكن  عايش فينا

لكن مكسوف

يتحس في لحظه

وليها يكون ملهوف

يحلم بشوق بكره

وهو وسط الوف

وانا شعري جوايا

قلم ومش مقصوف

نزلت بحر الشعر

اجر حروفه بالعافيه

أضم في المكسور

وأوزنها بالقافيه

الشعر لحظه عشق

صادقه تكون كافيه

مش دمعه تملي بحور

بارده ومش دافيه

والكل عايش في الدور

بقلوب مش صافيه

قالوا شاعر مغرور

لكن بلا قافيه

الشعر جوايا

كلام يكون مضمون

لان اللي بيستمع عاقل

دايما وانا المجنون

أوصله بكلامي اننى عاقل

بقول كلام موزون

مش اسيبه في حروفي

تايه كما المسجون

وابصله في عيونه

واضحك له واقوله

صقفلي واكون ممنون