اللي جوه القلب ساكن:بقلمي ياسر أحمد

 اللي جوه القلب ساكن

هو ده اقرب قريب

هو ده اللي تقول 

جوة أحضاني حبيب

ومهما يحصل منه سامحه

مش تفرط او تسيب

او تقول البعد احسن

او تقرر يوم تغيب

او تخاصمه ولو في سرك

او في زعلك فيه تعيب

او تقوله القصه خلصت

وانت بالنسبه لي غريب 

اللي جوه القلب ساكن

كن له كونه كن له

 جبر لكسوره

كن لجراحه طبيب

 ولو يقولو ليه تحبه

قول بقلبك اه بحبـه

قول عشان مافيش مثاله

قول عشان اجمل نصيب 

☘️☘️☘️☘️☘️☘️

بقلمي ياسر أحمد