رئيسة قسم الشاعر ادهم العوضى
أغنية رئيسة قسم
أدهم عبده مجلى
(أدهم العوضى)
★★★★★
استاذه ورئيسة قسم فى خيانة الوعود
وبتيجى فى وقت الحسم ما بتوفى بعهود
استاذه ومآلتنى جراح
ما سابتنى فى يوم ارتاح
عايزانى اتوه سواح
وتكونلى الحدود
★*★*★*★
بيقولوا اللى حب يضحى
وبيفدى الحبيب ده بروحه
وبينسى لحبيبه ويمحى
أخطاء زودت فى جروحه
وانا كنت بأضحى عشانك
طب مش حاسه ليه
ولا شفتش فى لحظه حنانك
ولغيرى تسيبيه
اتاريكى رئيسة قسم فى الزيف والخداع
مش عايزه تحافظ يوم على قلبى اللى ضاع
استاذه ومآلتنى جراح
ما سابتنى فى يوم ارتاح
عايزانى اتوه سواح
وتكونلى الحدود
استاذه ورئيسة قسم فى خيانة الوعود
وبتيجى فى وقت الحسم ما بتوفى بعهود
★*★*★*★
الجرح اللى شفته معاها
انا هأقدر بايدى اكويه
ما هو كان العذاب فى هواها
وانا ساكت وكنت اداريه
وباصبر فى نفسى واقول مش قاصده الآلم
وعذاب بالجراح موصول ولا لحظة ندم
اتاريكى رئيسة قسم فى الزيف والخداع
مش عايزه تحافظ يوم على قلبى اللى ضاع
استاذه ومآلتنى جراح
ما سابتنى فى يوم ارتاح
عايزانى اتوه سواح
وتكونلى الحدود
★*★*★*★
هاسيبك وهابعد عنك
وأنا بادعى ياخدلى بتارى
فى غيرى يخلصه منك
وساعتها هطفى فى نارى
وتدوقى مرار الكاس
مش فارق معايا خلاص
غير إنك تعرفى إحساس
اللى باعك م اللى شارى
ما هو انتى رئيسة قسم فى الزيف والخداع
مش عايزه تحافظ يوم على قلبى اللى ضاع
استاذه ومآلتنى جراح
ماسابتنى فى يوم ارتاح
عايزانى اتوه سواح
وتكونلى الحدود
استاذه ورئيسة قسم فى خيانة الوعود
وبتيجى فى وقت الحسم ما بتوفى بعهود
★★★★★
الشاعر الغنائى
أدهم عبده مجلى
(أدهم العوضى)
مرسلة بواسطة ملاك @ أكتوبر 01, 2023
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية