هستناك الشاعر د . عمر عبد الجواد عبد العزيز
......(( هستناك ))......
هستناك .....
مهما تبعد ....قلبي معاك
ومهما الزمان.... .....قساك
.............. مش هنساك
و هستناك .....
إنت حد ... طيب و أمين
كل ما اقول تقولي أمين
أنا ليا. غيرك ........ مين
طول عمري أتمني رضاك
هستناك ...
مهما تبعد مش هنساك
ما تسمعشي لكلام.. عزال
مين قابلك ولا مين قال
عمرك ما تغيب ع البال
و عيني...... تتمني لقاك
هستناك .....
مهما تبعد مش هنساك
ما تشمتش..... فينا عزول
أنا أملي ... ترجع علطول
واي خلاف ف لحظة يزول
و عمري ..... كله فداك
هستناك .....
مهما تبعد مش هنساك
اللي بينا. .....حب كبير
و انا قلبي عليك بيغير
و افرشلك الأرض حرير
و أقضي حياتي معاك ...
هستناك .....
مهما تبعد مش هنساك
احنا. يا حبيبي لبعض
زي الميه و الهوا للأرض
بحبك بالطول و العرض
انت فرشي وانا غطاك
هستناك ......
مهما تبعد مش هنساك
مش عايزك تبات مهموم
و لا. تبعد ..... عني ليوم
مافيش زعل يا حبيبي يدوم
انت أرضي و أنا سماك
هستناك .....
مهما تبعد ..مش هنساك ....
★★★★★★★★★★★
د/عمر عبد الجواد عبد العزيز
رداً علي كلمات ( مخصماك ) .
مرسلة بواسطة ملاك @ ديسمبر 06, 2023
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية