أبوذیّات شوق و حنان

إنرسم حبّك وسط گلبي و مرباي

أسیر أصبحت طایع لك و مرباي

تغیب و تعطش إمفارج و مرباي

ضکني و خلخل إعضامي و إدیّه

***

گمر تزهي إبسماء إحبابك ودارك

حنین و جیت أزورنّك ودارك

جمالك ضاوي من نارك ودارك

الیگربك تشتعل بیه المنیّه

***

الکره یخلق معاصي من ظلمته

بطي موته و شهدته من ظلمته

الیگول إشعیر یضرط من ظلمته

مثل مضروب للیحقد بخیّه

***

أخیّط و الف بجروحي ولا داي

مع الظلموني ما أطخّن ولاداي

إبضیجي إتناور أحفادي ولاداي

العمام الساگوا الجلّاد الیّه

***

گطع بینه المحب ما یوم شدنه

إبعذاب و ضیم لفنه و عجد شدنه

إبحزن داوي أحسّن بیه شدنه

إمن أگرّب لیه یذب ناره علیّه

***

خذلني إلما نصح ویّاي بألحاي

و أنا لجله سهرت اللیل بألحاي

طلع شیب أبیض إمن الضیم بألحاي

نظرني و گام یتشمّت علیّه

***

حبیبي الچنت أباریله وفیله

إبحر و إبگیض أهفّیله وفیله

أزیل إهموم أفرّج له وفیله

نسه طیبي إبنفاهه و خان بیّه

***

مکان الیزهی مثمر شجر صلفه

و البیه غیره و حمیّه و شهم صلفه

بعض هل ناس عدهه إگلوب صلفه

إبشقاوة و تعمل أفعال الردیّة

***

بعد ما بیّه أجر ونتي وناحاي

و أصب إدموعي للغابو وناحاي

بعد ما أراهن الگاهم وناحاي

الیونی ما بعد و إیرد علیّه

***

کسر ضلعي الدهر محرب علي مان

إنفصم ظهري و شلت عوزي علي مان

إعلی لگمت خبز عیّرني علي مان

الخبز ترکیته و أاکل لحم إدیّه

***

أحس ملّیت أدك بإلصبر و الهم

الیاحد و أنا حامل فکر و الهم

الما وگفوا معاي إبستر و الهم

عساهم لا لفوا یوم المنیّه

***

یحن گلبي علی الشالوا وردهم

أتمنّی إیعود موکبهم وردهم

عطور أشجارهم غطّت وردهم

نسوني إبعدوا ما منهم وصیّة

***

الما بیه وفه إترك وصله وداره

إشیداریك إعمل إبحدّه وداره

إذا شفته ذهب صافي وداره

إحسبه إسناد یوم الموزمیّة

***

جاسم ثعلبي الحسّاني 24/10/1401