اسمعيني بقلم الشاعر خليل محمد غريب

 أسعد الله صباحكم

⚘⚘⚘⚘⚘⚘

اسمعيني بعقل صافي وافهميني

⚘⚘⚘⚘⚘⚘

لحتى ضل حُبّك إتركيني

ما بدي بسيف صارم تطعنيني

خَلقني ربنا الباري بِدربِك

تا ونّس وحشتِك وتونسيني

ابعدي عني بجسمك مش بقَلبِك

وضلي ضمن قلبي سَايريني

ما بنكُر كنت متسلطِن بحُبِك

وكنتي بكل كَبوِّة تنعشيني

ما بنكُر كنت كالمارد بقُربِك

وكنتي بعزم دايم تدعميني

وحتى عند ما أُشعر بغُلبِك

كنتي الهم كلّو تقاسميني

خَلُوقة بعرفِك ما جيت جَرّبِك

وكتومة طيّبي وحُرّة رزيني

ما بدي تعلني بالعجَل حَربِك

اسمعيني بعقل صافي وافهميني

بعمري ما طمعت لحظة بسَلبِك

أنا طمعان فيكي تسامحيني

وظرفي تقدّري وتدعي لربِّك

إلهي يحفظِك وتساعديني

⚘⚘⚘⚘⚘⚘

كلمات؛ الحاج@ خليل محمد غريب.