الخوّان للشاعر جاسم ثعلبي الحسّاني

 الخوّان

إخذ منّي نصيحة او شلهه ببره او خيط

إخوتك   تاج    رأسك    لا      تجافيهم

بحر  هايج    إبضيجك  لو  لفاك  العوز

او   تزيل  أركام   حزنك   من  تمر بيهم

خلّيهم   بدر   لو     در     ظلام   الليل

او تشوف الدرب مزهر  من  تحاچيهم

حياتك  عيد  الك  و   إملبّس  إبترحيب

خاچيّة     شرف    بإلملحمه    إچسيهم

عوفه   الماضي   أظلم  و  إلإخو  مفگود

إفدي     ابمرحمة      لتراب     رجليهم

مر  بيهم     شفاهم    للطبيب   إعجاز

ما    ياجد     عذر      لازم     تواسيهم

عَبرة   إبگلب   تتنفّس   إبفرحة    جاي

الإخوا  جرعة   بخت    يصعب   تبدّيهم

مثل  خوّة   أبو   فاضل   عجيد   إحسين

فده إچفوفه او بذل  دمّه  إعلي طاريهم

أسد   صاحب   ضمير  الما   خلف  حيّاه

يطيع   إبمرجلة    او     روح    التباريهم

إخوتك  عيني   إخوتك  مرهم   التضميد

الكَسِر  عضمك   تچيّة   إبدمعك إسگيهم

ليغشّك   غريب   او   حاسد  او   شيطان

يفرغك   من   سلفهم     معتزل     بيهم

إكرمه   البيه  حنان  او   زاهد    العدوان

يحل   دمّك     عليهم    من     تداويهم

النّاس   أجناس   تختل   تكسر  البيه شأن

او   تِكسّر   شوكته     الخاطر    تعاديهم

 الهم   مر   صبر   و   إتحمّل   الصعبات

خل   البيه     رده       فعلك     يعرّيهم

لا   تأيس   او    ربك     للوحيد     إسناد

إتحزّم     بإلشجاعة     إبمرحمه   إشفيهم

إهواي    أشرار  عدنه   إتخالط  الشجعان

صير   الهم  بخت  حر  و   إمتحن   بيهم

***

شريد أحجي على الخوّان أحس دم صبّن إعيوني

إمن أذكرهم رمح چتّال  إصيح او ما يسمعوني

وين البيه وفاء بإلضيج إبفگده إنشلّت إمتوني

إمچفّن  و   النّاس   اتهابه

مرسوم إبعز صيت أحبابه

إمعزّب  واگف  يم   بابه

شال    إمنوّر   ديوانه   إحزن   گلبي   إحزن

***

جاسم ثعلبي الحسّاني (جاسم محمّد الحسّاني)

18/11/1402