الولد العاق للشاعر إسحاق قشاقش

 (الولد العاق)

الأم.....................أصدق حب بهالدني

وأكبر........................مضحية بالحياة

ببطنها........حملتك تلات أرباع السني

ووصلت...................فيك لحد الممات

وفيك..............هي بكل وقتها بتعتني

وهي...............المعلم والمربي والأداة

وكل....................عمرك من قلبها دَني

ومنها عم................تتعلم كيف الثبات

وعاشت...................معك عمر الولدنة

وكانت............. إلك متل قارب للنجاة

وبقيت..............تغذيك بحليبها الغني

ومع كل...........رضعة تذرف الدمعات

وكانت..............كرمالك تركع وتنحني

متل............ما بتنحني بفرض الصلاة

وصرت..تكبر سنة وعمرا ينقص سِني

وحياتها..................وهبت إلك بالذات

وضحت............بعمرا ومن أجلك فِني

لغاية........ما صرت تاكل لحوم ونبات

وحتى.......تتزوج وتعيش عمرك هني

عزوجة صالحة عم تبحث بين البنات

ولما كِبْرِت............وجسما تِعِبْ وحِني

عبدت........مرتك بدل ما بإمك تعتني

وتركتها تعيش وحدها على الذكريات

      ❤️إسحاق قشاقش ❤️